7 ամենամեծ սխալները կարտոֆիլի պյուրե պատրաստելիս /coocks.am/

Յուրաքանչյուրս էլ գոնե մեկ անգամ պատրաստել ենք կարտոֆիլի պյուրե։ Թվում է, թե ոչ մի բարդություն չկա, բայց ինքներս էլ ամեն անգամ նկատում ենք, որ պյուրեն ոչ միշտ է ստացվում համեղ ու առանց գնդիկների։ Ինչո՞ւ է խյուսն ամեն անգամ տարբեր լինում, ի՞նչ սխալներ ենք մենք թույլ տալիս կարտոֆիլի պյուրե պատրաստելիս։ Ահա այս մասին կարդացեք մեր այսօրվա հոդվածում։

1. Օգտագործում ենք ոչ ճիշտ կարտոֆիլ

Կարտոֆիլը պետք է լինի օսլայի մեծ պարունակությամբ, որպեսզի ստացվի նուրբ ու միասեռ զանգված։ Օսլայի մեծ քանակությամբ կարտոֆիլը նաև շատ լավ է ներծծում կարագը։ Իսկ մուգ պալարներով, վարդագույն կեղևով և դեղին միջուկով կարտոֆիլը մեծ ջանք է պահանջում խյուս դառնալու համար։

2. Ջուրը աղով չենք համեմում

Երբ կարտոֆիլը եփվում է, օսլայի հատիկները ներծծում են ջրում եղած աղն, ու արդյունքում կարտոֆիլի խյուսը շատ համեղ ու թեթև է ստացվում։ Այնպես որ ջուրը աղով համեմեք ոչ թե վերջում, այլ նախապես։

[efb_likebox fanpage_url=”https://www.facebook.com/aqlorshop/?modal=admin_todo_tour” hide logo”1″ box_width=”” box_height=HEIGHT_OF_BOX_IN_PIXELS”” responsive=”0″ show_faces=”0″ show_stream=”0″ hide_cover=”1″ small_header=”0″ hide_cta=”0″ locale=””]

3. Կարտոֆիլը դնում ենք տաք ջրի մեջ

Կարտոֆիլը պետք է եփել սառը ջրի մեջ, հասցնել եռման աստիճանի, ապա կրակը մեղմացնել։ Եթե միանգամից եփեք տաք ջրի մեջ, ապա կարտոֆիլն անհավասարաչափ կեփվի։

4. Չենք քամում ջուրը

Կարտոֆիլը եփելուց անմիջապես հետո պետք է քամել ջուրը։ Հակառակ դեպքում այն համեղ չի լինի։

5. Կարագն ավելացնում ենք անմիջապես սառնարանից հանելուց հետո

Կարագը պետք է նախապես հանել սառնարանից, թողնել, որ որոշ ժամանակ մնա սենյակային պայմաններում, ապա ավելացնել տաք կարտոֆիլին։ Կարելի է ավելացնել նաև սերուցք կամ կաթ։ Այդպես նույնպես շատ համեղ է ստացվում։

6. Շատ ենք հարում

Կարտոֆիլը շատ հարել կամ ճզմել չի կարելի։ Արդյունքում շատ օսլա է դուրս գալիս, և զանգվածը դառնում է սոսնձանման։

7. Պատրաստում ենք նախօրոք

Մենք սիրում ենք կերակուրը պատրաստել նախօրոք, բայց կարտոֆիլը երկար սպասել չի սիրում։ Այն պետք է համտեսել անմիջապես։

Ահա մի քանի պարզ, բայց շատ կարևոր խորհուրդներ, որոնք հաստատ պետք կգան խոհանոցում համեղ կարտոֆիլի պյուրե պատրաստելու համար։

Նյութի աղբյուրը՝ www.cooks.am