Նպարեղեն

Վարսակաձավար

Posted on by

Էներգետիկ արժեքը 100 գրամում

կալորիականությունը՝ 342 կկալ
սպիտակուցներ՝ 12,3 գր
ճարպեր՝ 6,1 գր
ածխաջրեր՝ 59,5 գր
ջուր՝ 12 գր

Արտաքին նկարագիրը՝ Չմանրեցված վարսակաձավարն ստացվում է վարսակի շոգեհարման, կեղևազրկման և հղկման միջոցով: Սովորաբար ունենում է մոխրադեղնավուն գույն: Ըստ որակի վարսակաձավարը լինում է բարձրորակ և առաջին կարգի

Օգտագործման կարգը

Վարսակաձավարն օգտագործում են ապուրների, շիլաների, տարբեր խյուսերի և թխվածքաբլիթների պատրաստման ժամանակ: Վարսակաձավարն եփվում է 60-80 րոպեի ընթացքում (բացառությամբ վարսակի փաթիլների): Դրանով եփված շիլաները սովորաբար լինում են բավականին թանձր:

Վարսակից ստանում են փաթիլներ` Հերկուլես, Էքստրա, փետրավոր:

Օգտակար հատկությունները

Վարսակաձավարը պարունակում է մեծ քանակությամբ բնական հակաօքսիդանտներ` նյութեր, որոնք բարձրացնում են օրգանիզմի դիմադրողականութունը տարբեր վարակների և շրջակա միջավայրի ներգործությունների նկատմամբ (ռադիոնուկլիդներ, ծանր մետաղների աղեր, սթրեսներ): Վարսակաձավարը մեծ քանակությամբ ֆոսֆոր և կալցիում է պարունակում, որոնք անհրաժեշտ եմ նարդու ոսկրային համակարգի նորմալ ձևավորման և զարգացման համար, ինչպես նաև երկաթ են պարունակում` սակավարյունությունը կանխարգելելու համար:

Վարսակաձավարը ստամոքսի լորձաթաղանթի վրա ունի պաշտպանիչ և հակաբորբոքային ազդեցություն: Ըստ այդմ օգտագործվում է որովայնի շրջանում ցավերի և փքվածության ժամանակ: Վարսակաձավարն աղիների մաքրման հիանալի միջոց է: Այն խթանում է ստամոքսաղիքային տրակտը` կանխարգելելով օրգանիզմի այդ հատվածում տարատեսակ քաղցկեղների առաջացման ռիսկը, թույլ չի տալիս, որ զարգանա գաստրիտը և ստամոքսի խոցը: Վարսակաձավարը հարուստ է B խմբի վիտամիններով, որոնք օգտակար են մաշկի համար և կանխարգելում են մաշկի բորբոքումը (դերմատիտ): Այն դյուրամարս մթերք է:

Վարսակաձավարը պարունակում է կալիում, կալցիում, նատրիում, մագնեզիում, ֆոսֆոր, երկաթ, ցինկ, վիտամին B1, B2, PP, E:

Վարսակաձավարի շիլաները համեղ են, սննդարար և բուժիչ: Ներկայումս ավելի շատ օգտագորշվում է Հերկուլեսը և վարսակի ալյուրը: Վարսակն այլ հացազգիներից տարբերվում է բուսական ճարպերի բարձր տոկոսայնությամբ (6.2%) և պարունակում է մեծ քանակությամբ ֆոսֆոր և մագնեզիում:

Վարսակաձավարը համարվում է օգտակար նախաճաշ:

Վերջերս անցկացված հետազոտությունները ցույց են տալս, որ վարսակի փաթիլները պարունակում են օրգանիզմում վնասակար խոլեստերինի` բետտա գլյուկանի (бетта-глюкан) մակարդակն իջեցնող շատ կարևոր տարր:

Երեք գրամ վարսակաձավարի փաթիլների օգտագործումն օգնում է նվազեցնել օրգանիզմում խոլեստերինի մակարդակը 8-23% այն մարդկանց մոտ, ովքեր ունեն խոլեստերինի բարձր մակարդակ: Այդ քանակությամբ փաթիլներ կան մեկ ափսե վարսակի փաթիլների կամ Հերկուլեսի մեջ: Վարսակի ալյուրն օգնում է պահպանել արյան մեջ շաքարի նորմալ մակարդակը: Այդ պատճառով օգտակար է ոչ միայն վարսակաձավար ուտելն, այլ նաև` հաց թխելիս վարսակաձավարի ալյուրի օգտագործումը:

Վարսակաձավարը շատ լավ է նաև աղեսատամոքսային տրակտի նորմալ աշխատանքի համար: Թանձր շիլան բժիշկներն առաջարկում են նրանց, ովքեր մարսողության խնդիր ունեն: Իսկ մենք բոլորս շատ լավ գիտենք, թե ինչքան շատ է մեր արտաքին տեսքը կախված այդ օրգանների նորմալ աշխատանքից: Բայց որպեսզի ազդեցությունը լինի ավելի նկատելի, վարսակաձավարը պետք է լինի կիսելի նման ջրիկ:

Եթե փխրուն լինելու համար վարսակաձավարը խաշենք, ապա իր բուժիչ հատկությունները կկորցնի: Վարսակաձավարի շիլային կարելի է ավելացնել շաքար, աղ, կաթ, կարագ, մուրաբա, մրգեր (այց թվում չրեր):

Վարսակաձավարը մթերքների մեջ զբաղեցնում է առաջին տեղը ալյումինի պարունակությամբ, իսկ բորի, մագնեզիումի, երկաթի, կալցիումի և պղնձի պարունակությամբ առաջատար դիրք է զբաղեցնում:

Վնասակար հատկությունները

Վարսակաձավարը վնասակար է նախևառաջ այն մարդականց համար, ում օրգանիզմը չի ընդունում հացազգիներին: Հակացուցված է նաև երիկամայանին և սիրտ-անոթային անբավարարվածություն ունեցողներին:

Բացի այդ պետք է հիշել, որ վարսակաձավարի շիլան պետք է օգտագործել չափավոր, հակառակ դեպքում մարդու օրգանիզմի վրա նրա թողած վնասն ավելի մեծ կարող է լինել, քան օգուտը: Այս մթերքում պարունակվող ֆիտինաթթուն (фитиновая кислота) մեծ քանակությամբ կուտակվելով օրգանիզմում` ոսկրային հյուսվածքներից հանում է կալցիումը:

Վարսակաձավարի արագ պատրաստման վատն էլ այն է, որ վերամշակումից (եփելուց) հետո վիտամինները զգալիորեն պակասում են: բացի դա, վարսակաձավարը կորցնում է օրգանիզմում նյութափոխանակությունը ճիշտ կարգավորելու և օրգանիզմն անհրաժեշտ քանակությամբ էներգիայով ապահովելու հատկությունները:

Միներալներ

Ֆոսֆոր	523 մգ
Մագնեզիում	177 մգ
Երկաթ	4,72 մգ
Կալիում	429 մգ
Պղինձ	0,626 մգ
Ցինկ	3,97 մգ
Մանգան	4,916 մգ
Կալցիում	54 մգ
Նատրիում	2 մգ

Վիտամիններ

ՎԻՏԱՄԻՆ B1	0.763 µg
ՎԻՏԱՄԻՆ B5	1.349 µg
ՎԻՏԱՄԻՆ B2	0.139 µg
ՎԻՏԱՄԻՆ B6	0.119 µg
ՎԻՏԱՄԻՆ B3	0.961 µg
ՎԻՏԱՄԻՆ B12	0 µg
ՖՈԼԱԹԹՈՒ (B9)	0 µg
ՎԻՏԱՄԻՆ A	0 µg
ՎԻՏԱՄԻՆ D	0 µg
ՎԻՏԱՄԻՆ C	0 µg