Կանոններ, որոնք պետք է պահել մեղր գնելիս

Կարծես թե բոլորը ամեն ինչ գիտեն, կամ բավականին շատ բան գիտեն մեղրի մասին: Սակայն քչերը գիտեն, որ մեղրի տարբեր տեսակներ տարբեր ձև են օգնում բուժման համար: Սրա մասին կարելի է տեղեկանալ ինչպես հնագույն ձեռագրերից, որտեղ նկարագրված է մեղրի տարբեր սորտերի հատկությունները և տարբեր հիվանդությունների բուժման համար այդ տեսակների օգտագործման վերաբերյալ խորհուրդները, այնպես էլ հնագույն բժշկության վերաբերյալ գրքերից:

Լավ մեղրը ունի նուրբ բուրումնավետ հոտ: Մեղրի բույրը բնութագրական է տվյալ տեսակի համար և պայմանավորված է նեկտարի հետ ներմուծված տարբեր նյութերի պարունակությամբ (120 անուն նյութ), որոնց մեջ հանդիպում են բարդ եթերային նյութեր, ալդեհիդներ (альдегиды), քետոններ (кетоны), սպիրտներ, կարբոքսիլային միացություններ: Մեղրը, որը մեղուները պատրաստում են շաքարահյութից, առանց նեկտարի, հոտ չի ունենում: Արոմատիկ նյութերը ցնդող են, դրա համար էլ ժամանակի ընթացքում մեղրի հոտը թուլանում է: Մեղրի հոտն ու գույնը ընդհանուր առմամբ կախված են այն ծաղրիկների նեկտարի համապատասխան հատկություններից, որից մեղուները պատրաստել են այդ մեղրը:

Համեմատաբար արժեքավոր են համարվում բաց գույն ունեցող մեղրի տեսակները: Բացառություն է կազմում հնդկաձավարի մեղրը (гречишный): Միևնույն ժամանակ մուգ գույն ունեցող մեղրի տեսակներ հարուստ են հանքային նյութերով, որոնք օրգանիզմի համար արժեք են ներկայացնում:

Կանոներ սպառողների համար, ովքեր ցանկանում են բարձրակարգ բնական մեղր ձեռք բերել

• Մեղրը պետք է ձեռք բերել այն խանութներից կամ մատակարարներից, որոնց մոտ կատարվում է անասնաբուժական հսկողություն մեղրի որակի վրա, և կան անհրաժեշտ փաստաթղթեր դրա որակի վերաբերյալ:
• Թարմ քաշած մեղրը չի հոսում գդալից, երբ այն թեքում եք, իսկ հոսելիս էլ նստում է գոգավոր:
• Հոկտեմբերի ամբողջ բնական մեղրը որպես կանոն պետք է լինի բյուրեղացած, բացառությամբ սպիտակ ակացիայից ստացված մեղրը, որի բյուրեղանալու հատկությունը թույլ է արտահայտված:
• Ակնադիտական ստուգման ժամանակ պետք իմանալ, որ մեղրը միատարր խտություն, ունենա համապատասխան համահոտային փունջ:
• Նախընտրելի է մեղրը գնել արտադրողից, այլ ոչ թե վերավաճառողից:
• Ավելի նախընտրելի է գնել Ձեր տարածաշրջանի մեղրը, կամ գոնե 500կմ շառավղով հեռավորության վրա գտնվող վայրերի մեղրը:
• Փաթեթավորված մեղր գնելու դեպքում նախընտրելի ՝ գնել ձեռքի փաթեթավորմամբ մեղրը: