Եգիպտացորենի ալյուր

Եգիպտացորենի չորացված հատիկից աղացած մթերք է: Չնայած Իր սննդային արժեքով զիջում է շատ հացահատիկային մշակաբույսերին, այն ևս առանձնանում է բազմաթիվ օգտակար հատկություններով:

Պատմությունը

Եգիպտացորենը հանդիսանում է Ամերիկայի բնիկ ժողովուրդների գյուղատնտեսության ավանդական մշակաբույսը: Լատինական Ամերիկայում եգիպտացորենն օգտագործում են ավելի մեծ քանակությամբ, քան մոլորակի որևէ այլ վայրում: Այն հիմնական մշակաբույս է հանդիսանում Մեքսիկայի, Կոլումբիայի, Պերուի, Էկվադորի, Վենեսուելայի և Պարագվայի ազգային խոհանոցների համար:

Եվրոպացիների կողմից Ամերիկայի հայտնագործումից հետո՝ բազմաթիվ տեղական մշակաբույսեր ներմուծվեցին Եվրոպա և սկսեցին մշակվել, այդ թվում՝ եգիպտացորենը: Եվրոպայից եգիպտացորենը ներմուծվեց Աֆրիկա և Ասիա:

Նախկին ԽՍՀՄ-ի տարածքում եգիպտացորենը ամենաառաջինը հայտնվել է 17-րդ դարի վերջում Մոլդովայում և Վրաստանում:

Օգտագործման կարգը

Այդպիսի ալյուրն օգտագործվում է թե՛ որպես հացի, հացաբուլկեղենի թխման, բլիթների, շիլաների պատրաստման հիմնական բաղադրիչ, թե՛ որպես ուտեստների հավելում (օրինակ՝ չուրչխելապատրաստելիս խաղողի հյութի խմորման համար):

Եգիպտացորենի ալյուրի շիլան առանձնանում է իր յուրահատուկ համով, եփվում է մոտ մեկ ժամ և բարձրանում է 3-4 անգամ:

Հիանալի շիլա ստացվում, երբ եգիպտացորենի ալյուրը համադրվում է դդմի հետ:

Օգտակար շիլայի բաղադրատոմս. 300 գր կաթը եռացնել, ավելացնել քիչ քանակությամբ աղ և շաքար, ապա ավելացնել 4 ճշ. գդալ եգիպտացորենի ալյուր: Մարմանդ կրակի վրա եփել ևս 5-6 րոպե, վերցնել կրակի վրայից, փակել կափարիչով և թողնել 15 րոպե:

Միներալներ

Ֆոսֆոր	99 մգ
Մագնեզիում	32 մգ
Երկաթ	4,36 մգ
Կալիում	142 մգ
Պղինձ	0,076 մգ
Ցինկ	0,66 մգ
Մանգան	0,174 մգ
Կալցիում	3 մգ
Նատրիում	7 մգ
Սելեն	10,5 մգ
Choline total	8,6 մգ

Վիտամիններ

ՎԻՏԱՄԻՆ B1	0.551 µg
ՎԻՏԱՄԻՆ B5	0,24 µg
ՎԻՏԱՄԻՆ B2	0.382 µg
ՎԻՏԱՄԻՆ B6	0.182 µg
ՎԻՏԱՄԻՆ B3	4.968 µg
ՎԻՏԱՄԻՆ B12	0 µg
ՖՈԼԱԹԹՈՒ (B9)	180 µg
ՎԻՏԱՄԻՆ A	214 µg
ՎԻՏԱՄԻՆ C	0 µg
ՎԻՏԱՄԻՆ D	0 µg
ՎԻՏԱՄԻՆ E	0.12 µg
ՎԻՏԱՄԻՆ K	0 µg