Մեր տատիկների և մայրիկների վնասակար խորհուրդները

-Նախաճաշն ինքդ կեր, ճաշը կիսիր ընկերոջդ հետ, իսկ ընթրիքդ տուր թշնամուդ:

20-րդ դարի հետազոտությունները ցույց են տվել, որ նախաճաշը չպետք է շատ հագեցած լինի: Ամենահագեցածը պիտի լինի ճաշը: Օրական ընդունվող սննդի կալորիականության օպտիմալ հարաբերակցությունը հետևյալն է` նախաճաշ – 30-35%, ճաշ – 40-45% և ընթրիք` 25%:

-Ապուրներ պետք է ուտել ամեն օր, այլապես Ձեզ սպառնում է ստամոքսի խոցը:

Շատ վիճելի պնդում է: Վիճակագրությամբ դեռևս ապացուցված չէ համապատասխան փոխկապակցվածությունը: Այլ կերպ ասած` ապուրների ամենօրյա օգտագործման օգտակարությունը ստամոքսի խոցի կանխարգելման համար բավականին կասկածելի է:

-Ինչքան հնարավոր է բանջարեղեն և մրգեր շատ կերեք:

Բանջարեղենն ու մրգերն իսկապես օգտակար են, բայց ոչ ցանկացած քանակությամբ: Դրանց չափից շատ օգտագործումն առաջին հերթին կարող է առաջացնել այնպիսի տհաճ երևույթներ, ինչպիսիք են որովայնի փքվածությունը, այրոցը, փորլուծությունը: Իսկ այս ամենը մարսողության խանգարման արդյունք են:

Իսկ եթե օգտագործում եք էլ բանջարեղեն և մրգեր, ապա ավելի լավ է դա անել հիմնական սնունդն ընդունելուց առաջ (սոված փորին), այլ ոչ թե դրանից հետո: Այլապես ստամոքսում կսկսվեն խմորման գործընթացներ: Իսկ դա մարսողության խանգարում է, որովայնի փքվածություն և այլն:

–Պետք է բացառել ճարպերը սսնդակարգից:

Այս իրավիճակը շատ նման է նախորդ կետին: Ճարպերն իսկապես վնասակար են մեծ քանակությամբ օգտագործելու դեքում, սակայն փոքր քանակություններով դրանք անհրաժեշտ են: Գոնե պետք է հիշել մարդուն անհրաժեշտ ճարպաթթուների մասին, որոնք պարունակում են ճարպեր:

–Մի կերեք քաղցր ուտելուց առաջ – կկորցնեք ախորժակը:

Բայց ախր ախորժակի բացակայությունը լավ է, համենայն դեպս նրանց համար, ովքեր պայքարում են ավելորդ քաշի դեմ: Իսկ այդպիսի մարդիկ ներկայումս շատ ավելի շատ են, քան քաշի պակասության խնդիր ունեցողները:

–Թեյ, սուրճ, հյութ – ուտելուց անմիջապես հետո:

Սա ամենատարածված վնասակար սովորությունն է: Խնդիրն այն է, որ այս հեղուկներն ընկնելով ստամոքս սննդի հետ միաժամանակ, դժվարացնում են մարսողությունը` ցածրացնելով ստամոքսահյութի խտությունը: Դրանք արագացնում են նաև սննդի շարժի արագությունը ստամոքսաղիքային տրակտում, որը տանում է օգտակար սսնդանյութերի ստացման (վերցման) գործընթացի վատթարացման: