11 հետաքրքիր բաղադրիչ, որը երբեք չէիք պատկերացնի:

1. Աննատո (Արևադարձային թուփ)

Այս բույսի սերմերից ստանում են դեղին կամ նարնջագույն գունանյութ, որն ունի մշկընկույզի սուր հոտ: Ամենից հաճախ սա օգտագործում են պանրի, մարգարինի և այլ կաթնամթերքների արտադրության մեջ արտադրանքին դեղնավուն երանգ հաղորդելու համար:

2. L–ցիստեին

Այս նյութն ավելացնում են խմորի մեջ կրուասաններ, կեքսեր և պոնչիկ պատրաստելու ժամանակ, որպեսզի խմորի հետ աշխատելն ավելի հեշտ լինի: Ցիստեինի արտադրության համար անհրաժեշտ է օրգանական բաղադրիչ, որի համար օգտագործում  են կամ որը կարող է հանդիսանալ բադի փետուրները կամ մարդու մազերը: Չնայած ստացման ոչ ամենացանկալի մեթոդին L-ցիստեինը բարենպաստ ներգործություն է թողնում մաշկի և մազերի վրա և պաշտպանում է ռադիացիայից և ծերացումից:

3. Կոլագեն

Կենդանական ծագման սպիտակուց կոլագենը ստացվում է տավարի ոսկրերից, մաշկից, երակներից և այլ մասերից, օգտագործվում է սննդային ժելատինի արտադրության ժամանակ: Սա մտնում է ոչ միայն ավանդական ժելեի և մարմելադի բաղադրության մեջ, այլ նաև պաղպաղակի (հատկապես մրգային պաղպաղակի և պաղպաղակի մուսի բաղադրության մեջ):

4. Անանաս

Անանասից ստանում են բրոմելաին ֆերմենտ, որն իր սպիտակուցները քայքայելու ունակության շնորհիվ լայնորեն օգտագործվում է մսամթերքի արտադրության մեջ, մասնավորապես երշիկեղենի արտադրության մեջ: Պետք է նշել որ նմանատիպ ֆերմենտներ կարողանում են ստանալ նաև պապայայից և թզից:

5. Իզինգլաս (ձկան սոսինձ)

Ձկան սոսինձը կամ ձկնային կոլագենն ամբողջ աշխարհում օգտագործում են գարեջրի արտադրության մեջ խմիչքի գույնը բացացնելու, պարզեցնելու համար: Այս նյութը ստանում են խոշոր ձկների <<փուչիկներից>>:

6. Լատեքս

Առաջ մաստակները պատրաստում էին սապոդիլա ծառի հյութից կամ փշատերև ծառերից: Իսկ հիմա գրեթե բոլոր մաստակների արտադրման հիմքը կազմում են սինթետիկ պոլիմերները՝ հիմնականում լատեքսը, որն օգտագործվում է նաև տարբեր ռետինե արտադրանքների համար որպես հումք:

7. Ռոզմարին / խնկունի

Այս ծաղիկը որպես համեմունք օգտագործել են դեռևս հին հույները: Ներկայումս այն սննդի արդյունաբերության մեջ օգտագործվում է ոչ միայն որպես համեմունք: Նրանից ստանում են հակաօքսիդանտ, որը պաշտպանում է ճարպերի մեծ քանակություն պարունակող սննդամթերքները կծվահամ դառնալուց: Օրինակ օգտագործվում է այդ հակաօքսիդանտը չիպսերի, կարագին փոխարինող սփրեդի, շոկոլադի պաստաների արտադրության մեջ:

8. Որդան կարմիր

Սա կարմիր գունանյութ է, որը ստանում են համանուն միջատներից: Հատկապես արդիական է այս գունանյութի օգտագործումը ջնարակի, պաղպաղակի, մարմելադի արտադրության մեջ: Ամեն դեպքում պետք է նշել, որ եթե վերցնենք կարմիր գունանյութերը սա ամենավատ տարբերակը չէ, քանի որ օրգանիզմի համար վնասակար չէ:

9. Քարածխային խեժ կամ կուպր

Այս նյութից ստանում են ռոմանտիկ անվանումով գունանյութ՝ <<կարմիր հմայիչը>>: Սննդի արդյունաբերության մեջ այս գունանյութն օգտագործում են ձկան, քաղցրավենիքի և թույլ ալկոհոլային խմիչքների գունավորման համար: Չնայած սրա վնասակար լինելը չի ապացուցվել, ամեն դեպքում որոշ եվրոպական երկրներիում այն արգելված է:

10. Շելլակ

Սա բնական խեժ է, որը տալիս են այսպես կոչված <<լաքապատ բզզեների>> էգերը, որով որ պատում են ծառի կեղևը: Վերամշակումից հետո այս նյութն օգտագործում են փոքրիկ կոնֆետներին, շոկոլադին և տարբեր աղանդերներին, որոնք գլազուրապատ են, գեղեցիկ փայլ հաղորդելու համար:

11. Ոսկի և արծաթ

Այս թանկարժեք մետաղներից պատրաստում են սննդային հավելումներ, որոնք հիմնականում օգտագործվում են հրուշակեղենի և աղանդերի արտադրության մեջ զարդարելու և գեղեցկացնելու համար արտաքին տեսքը: Ոսկու և արծաքի բավականին թանկ լինելու համար սրանք օգտագործում են միայն լյուքս դասի արտադրանքներ թողարկելու ժամանակ:

Նյութի աղբյուրը՝ https://www.adme.ru/