Դիետա, Օգտակար նյութեր
Կերակրող մայրերի սննդակարգ՝ առողջ կրծքի համար
Ելնելով այն հանգամանքից, որ կնոջ կուրքն առաջին հերթին նորածնին կերակրելու համար է նախատեսված, անհրաժեշտ է, որպեսզի այնտեղ արտադրվող կաթը հարուստ լինի վիտամիններով, հանքանյութերով և միկրոէլեմենտներով: Իսկ դրա համար անհրաժեշտ է, որպեսզի կանայք ընդունեն առողջ և ամենակարևորն օգտակար սնունդ:
Կրծքի համար օգտակար մթերքներ
- Ձիթապտղի յուղ – Ձիթապտղի յուղը հարուստ է վիտամին E-ով, որը պատասխանատու է մաշկի ծածկույթի համար: Բացի դա, նրա մեջ պարունակվող յուղերը խիստ կարևոր են կաթնագեղձերը մաստոպաթիայի առաջացումից պաշտպանելու համար:
- Ցիտրուսային մրգեր, մասուր – Սրանք պարունակում են մեծ քանակությամբ վիտամին C, որը պատասխանատու է կրծքերում արյան շրջանառության համար, ինչպես նաև հանդիսանում է հակաօքսիդանտ և պաշտպանում է կուրծքը նորագոյացությունների առաջացումից:
- Տերևավոր բանջարեղեն – Այս տեսակի բանջարեղենը, հանդիսանալով մագնեզիումի և ֆոլաթթվի մեծ պաշար ունեցող սննդամթերք, հակաբորբոքային ազդեցություն է թողնում կրծքագեղձերի վրա:
- Չիչխան – չիչխանը պրովիտամին A-ի շատ լավ աղբյուր է, որը խթանում է կաթնարտադրող բջիջների զարգացումը և ֆունկցիոնալությունը:
- Հավի միս – Հավի միսը պարունակում է հեշտ յուրացվող սպիտակուցներ, որոնք անհրաժեշտ են կրծքին ծավալ հաղորդելու համար: Բացի դա այն հարուստ է երկաթով, որն անհրաժեշտ է կրծքում արյան շրջանառության համար:
- Ձու – Ձուն լեցիտինի և միկրոէլեմենտների հիանալի աղբյուր է, որոնք պատասխանատու են կրծքի բջիջների ձևավորման համար: Այն նաև սպիտակուցների լիարժեք աղբյուր է: Ձուն նաև օրգանիզմից թույները հանելու հատկություն ունի:
- Ծովակաղամբ (Լամինարիա) – Իր մեջ պարունակվող յոդի շնորհիվ լավացնում է նյութափոխանակության գործընթացը: Նաև հակաբորբոքային ազդեցություն է գործում:
- Կաթնամթերք – Պարունակում է մեծ քանակությամբ օրգանական կալցիում, սպիտակուցներ և վիտամին B: Պատասխանատու են իմունիտետի բարձրացման համար:
- Լյարդ – Այնպես, ինչպես չիչխանը, լյարդը հանդիսանում է վիտամին A-ի շատ լավ աղբյուր, ինչպես նաև հարուստ է երկաթով, որն ինչպես արդեն նշել ենք անհրաժեշտ է արյան շրջանառության համար:
- Մեղր, մեղրամոմ, մեղվի մայրական կաթ – Սրանք պարունակում են Մենդելեևի աղյուսակի գրեթե բոլոր տարերը: Մասնակցում են պրոլակտինի սինթեզին:
- Դդմի սերմեր – Պարունակում են ցինկ, որը բարձրացնում է նորածնի իմունային համակարգի մակարդակը, ինչի շնորհիվ նրանք չեն տառապում դիաթեզով և դիզինտերիայով:
Առաջարկություններ
Կրծքերի առողջությունն ապահովելու համար, ցանկալի է խուսափել այնպիսի սննդամթերքների օգտագործումից, որոնք կրծքագեղձերի շրջանում արյունատար անոթների սպազմ են առաջացնում: Այդպիսի մթերքների օգտագործման արդյունքում կուրծքը կարող է զրկվել անհրաժեշտ սննդարար նյութերից: Իսկ դրա հետևանքով կրծքի կաթ ուտող նորածինը ևս կզրկվի այդ սննդարար նյութերից:
Ժողովրդական միջոցներ, որոնք նորմալացնում են կրծքի ֆունկցիան
Բացի վերոնշյալ մթերքների օգտագործումից, անհրաժեշտ է նաև հետևյալ պահանջների կատարումը:
- Կերակրող մոր կուրծքը չպետք է երկար ժամանակ մնա արևի ուղիղ ճառագայթների տակ:
- Պտուկի հարակից տարածքում պետք է քսել չիչխանի յուղ ճաքերի առաջացումը թույլ չտալու համար:
- Իրականացնել կրծքի մերսում՝ խթանելով արյունատար համակարգի աշխատանքը:
- Կրծքերն անընդհատ կրծքալում չպահել, իրականացնել <<օդային լոգանքներ>>:
Կրծքի համար վտանգավոր մթերքներ
- Կարտոֆիլի ֆրի – Ունի քաղցկեղածին հատկություն, որը կարող է նպաստել նորագոյացությունների առաջացմանը:
- Շոկոլադ, կոնֆետներ, որոնք ֆրուկտոզա են պարունակում – Սրանք էլ կարող են վնասել կրծքի արյունատար անոթներին:
- Աղ – Նպաստում է օրգանիզմում խոնավության երկար մնալուն, ինչի արդյունքում տեղի է ունենում արյունատար անոթների ծանրաբեռնվածություն:
- Կոնսերվանտներ – Կարող է կրծքում առաջացնել ֆիբրոտիկ փոփոխություներ:
Ալկոհոլ – Առաջացնում է անոթների սպազմ, զրկելով կուրծքն ու նորածնի կաթը կենսական անհրաժեշտության սննդանյութերից:
Միացե՛ք մեզ ֆեյսբուքում
և ամեն օր ստաց՛ք օգտակար ինֆորմացիա առողջության վերաբերյալ