Սեզոնային մթերքներ – Նոյեմբեր

Բրյուսելյան կաղամբ

Բրյուսելյան կաղամբն ունի ցածր կալորիականություն՝ ընդամենը 43 կկալ 100 գրամում: Այն պարունակում է այնպիսի օգտակար հատկություներ ինչպիսիք են ֆոլաթթուն, հեշտ մարսվող և բարձրորակ սպիտակուցները, մանրաթելը, կալիումը, ֆոսֆորը, երկաթը, մագնեզիումը, B խմբի վիտամինները, պրովիտամին A-ն և վիտամին C:

Բրյուսելյան կաղամբի օգտագործումը կանխում է սիրտ-անոթային հիվանդություններ, քչացնում է օրգանիզմում քաղցկեղածին նյութերի մակարդակը, լավացնում է իմունային, նյարդային և էնդոկրին համակարգերի աշխատանքը, ամրացնում է արյունատար անոթների պատերը, նպաստում է էրիթրոցիդների ստեղծմանը: Բացի սրանից այս մթերքը նվազեցնում է ուղիղ աղիքում, կրծքագեղձում և արգանդի վզիկում քաղցկեղային բջիջների առաջացման ռիսկը: Բրյուսելյան կաղամբը խորհուրդ են տալիս նաև սակավարյունության, փորկապության, դիաբետի, սրտի իշեմիկ հիվանդության, մրսածության հիվանդությունների, անքնության, ասթմայի, բրոնխիտի, տուբերկուլյոզի դեպքում, ինչպես նաև ենթաստամոքսային գեղձի ֆունկցիայի վերականգման համար:

Հղիության ժամանակ այս մթերքի օգտագործումը նպաստում է պտղի նյարդային համակարգի ճիշտ զարգացմանը և նվազեցնում է թերություններով ծննուդի ռիսկը:

Բողկ

Իր բաղադրության մեջ բողկը պարունակում է հանքանյութեր, սպիտակուցներ, ածխաջրեր, օրգանական թթուներ, եթերային յուղեր, վիտամիններ C, B2, B1, գլյուկոզիդներ, շաքար, ծծումբ պարունակող նյութեր, մանրաթել, կալիումի, նատրիումի, մագնեզիումի, երկաթի, կալցիումի, ֆոսֆորի աղեր, ամինոթթուներ:

Բողկն ունի ֆիտոնցիդալ, հակաբակտերիալ, բակտերոիդ հատկություններ: Բարձրացնում է օրգանիզմում հանքային աղերի և վիտամինների մակարդակը: Ժողովրդական բժշկության մեջ տարբեր բաղադրատոմսերում բողկը խորհուրդ է տրվում օգտագործել ախորժակի գրգռման, միզաքարային հիվանդությունների և ռադիկուլիտի բուժման, լեղապարկի դատարկման, օրգանիզմից ավելցուկային հեղուկի դուրս բերման, լեղու ձևավորման, աղիքային շարժունակության խթանման համար:

Բողկը նաև ներառում են բուժիչ սննդակարգում հեմոպտիզի, աղիքային ատոնիայի, լյարդի և երիկամների հիվանդությունների, խոլեցեստիտի, փորկապության բուժման ժամանակ: Բողկը նպաստում է նաև մազերի ամրացմանը:

Բամիա

Բամիան համարվում է դիետիկ մթերք, քանի որ նրա կալորիականությունն ընդամենը 31 կկալ է: Այն պարունակում է այնպիսի օգտակար նյութեր ինչպիսիք են երկաթը, սպիտակուցները, դիետիկ մանրաթելերը, վիտամիններ C, B6, K, A, կալցիումը, կալիումը, ֆոլաթթուն: Այն խորհուրդ են տալիս օգտագործել հղիներին, դիաբետիկներին, ստամոքսաղիքային տրակտի հիվանդություններ ունեցող մարդկանց, ավելորդ քաշ ունեցողներին: Բամիան օգնում է առողջանալ անգինայի, դեպրեսիայի, խրոնիկ հոգնածության, ասթմայի, աթերոսկլերոզի, խոցի, ստամոքսի փքվածության, փորկապության և իմպոտենցիայի ժամանակ:

Սպանախ

Սպանախը ևս ցածր կալորիականությամբ (100գր սպանախի տերևները պարունակում են ընդամենը 22 կկալ) մթերք է, որը պարունակում է վիտամիններ C, B6, A, B2, B1, E, PP, K, P, D2, սպիտակուց, յոդ, հեշտ յուրացվող և օրգանապես կապված երկաթ, հանքանյութեր, կալիում, մանրաթել:

Սպանախի տերևներն ունեն մեղմացնող, տոնուս հաղորդող, հակաբորբոքային հատկություններ: Սպանախի օգտագործումը նպաստում է քաղցկեղի կանխարգելմանը, նիհարեցմանը, աղիների աշխատանքի նորմալացմանը, արգելակում է նյարդային խանգարումների զարգացումը: Այն խորհուրդ են տալիս սակավարյունության, հյուծման, անեմիայի, հիպերտոնիայի, գաստրիտի, շաքարային դիաբետի, էնթերոկոլիտի դեպքում:

Կիվի

Կիվին ևս համարվում է ցածր կալորիականությամբ մթերք, քանի որ պարունակում է 48 կկալ 100 գրամում: Կիվին պարունակում է մանրաթել, գլյուկոզա, ամինոթթուներ, ֆրուկտոզա, մագնեզիում, վիտամիններ E, C, B1, A, PP, B2, B6, B3, կալիում, բետա-կարոտին, ֆոսֆոր, կալցիում, երկաթ, պեկտիններ, ֆլավոնոիդներ, էնզեմաներ, խնձորաթթու, կիտրոնաթթու, ակտինիդին:

Կիվու օգտագործումը նպաստում է իմունային համակարգի ամրացմանը, կոլագենի արտադրությանը, արյան ճնշման կարգավորմանը, անոթների տրոմբների և նիտրոզամինների զարգացման կանխարգելմանը: Այն խորհուրդ են տալիս նյարդայնության բարձրացման, մարսողության խնդիրների, ռևմատիկ հիվանդությունների, երիկամներում քարեր ունենալու, սրտի հիվանդությունների դեպքում, ինչպես նաև ֆիզիկական աշխատունակությունը բարձրացնելու համար: Պետք է նշել, որ կիվին նպաստում է նաև ստամոքսի, լեղապարկի, հաստ և բարակ աղիների, միզապարկի, վերարտադրողական համակարգի, սեռական օրգանների մկանների լավ աշխատանքին: Կիվին ունի հակաօքսիդանտ և հակամանրէային ազդեցություն, ինչպես նաև այրում է ճարպերը:

Լոռամիրգ

Լոռամիրգը նույնպես ցածր կալորիականությամբ մթերք է և 100 գրամում պարունակվում է ընդամենը 26 կկալ: Լոռամիրգը պարունակում է վիտամին C, կիտրոնաթթու, քվինաթթու, բենզոաթթու, K, B և PP խմբի վիտամիններ, շաքար, եթերային յուղեր, կարոտին, պեկտինային և տենինային նյութեր, կալցիումի աղ, կալիում, ֆոսֆոր, յոդ, երկաթ, մագնեզիում, պղինձ, բոր, կոբալտ, մանգան և այլն:

Լոռամրգի օգտագործումը կանխում է <<վատ>> խոլեստերինի առաջացմանը, բարձրացնում է արյունատար անոթների էլաստիկությունը և ամրությունը, նպաստում է վիտամին C-ի յուրացմանը, լավացնում է հիշողությունը, հանգստացնում է նյարդերը: Իր բուժական հատկությունների շնորհիվ լոռամիգը խորհուրդ է տրվում օգտագործել այնպիսի հիվանդությունների դեպքում, ինչպիսիք են անգինան, գրիպը, մրսածության հիվանդությունները, ռևմատիզմը, ավիտամինոզը, հաճախակի սթրեսները, խրոնիկ հոգնածությունն ու գլխացավերը, անքնությունը, տուբերկուլյոզը, աթերոսկլերոզը, սիտ-անոթային համակարգի հիվանդությունները, բորբոքային վերքերը, խոցերը և մաշկի այրվածքները, կարիեսը և պարադոնտոսը, միզասեռական վարակները:

Չիչխան

Չիչխանը պարունակում է վիտամիններ B1, C, B2, K, E, P, ֆլավոնոիդներ, ֆոլաթթու, կարոտոնոիդներ, բետաին, քոլին, կումարին, օրգանական թթուներ (խնձորաթթու, կիտրոնաթթու, թարթաթթու), տենիններ, մագնեզիում, նատրիում, սիլիցիում, երկաթ, ալյումին, նիկել, կապար, ստրոնցիում, մոլիբդեն, մանգան:

Նման քանակի և բազմազանության օգտակար նյութերի շնորհիվ չիչխանը խորհուրդ են տալիս անոթների ամրացման, նյութափոխանակության լավացման, տրոմբների առաջացման ռիսկի նվազեցման, օրգանիզմի վրա հակաօքսիդանտ ազդեցության, խոցերի բուժման, մաշկի այրման և վնասվածքների դեպքում: Չիչխանը ներառում են այնպիսի հիվանդությունների բուժիչ սննդակարգերում, ինչպիսիք են արյան և սիրտ-անոթային համակարգի հիվանդությունները, խոցային հիվանդությունների, գաստրիտի, ավիտամինոզի, արտրիտի, աչքի լորձաթաղանթի և մաշկի ճառագայթային հիվանդությունների դեպքում:

Ձավար

Ցորենից ստացված ձավարն իր մեջ պարունակում է այնպիսի օգտակար նյութեր, ինչպիսիք են օսլան, ածխաջրերը, անփոխարինելի ամինոթթուներ, սպիտակուցներ, մանրաթել, բուսական ճարպեր, միկրոէլեմենտներ (կալիում, կալցիում, ֆոսֆոր, մագնեզիում), վիտամիններ PP, B1, C, B2, E, B6:

Ձավարն ունի ընդհանուր ամրացնող, իմունաստիմուլացնող հատկություն: Այն համարվում է էներգիայի բնական աղբյուր կարգավորում է ճարպային փոխանակությունը, լավացնում է ստամոքսաղիքային տրակտի աշխատանքը, իջեցնում է խոլեստերինի մակարդակը, դանդաղեցնում է օրգանիզմի ծերացումը, լավացնում է մազերի, եղունգների, մաշկի վիճակը: Ձավարի օգտագործումը լավացնում է սիրտ-անոթային համակարգի և ուղեղի աշխատանքը, օրգանիզմից հանում է ծանր մետաղները, աղը, հակաբիոտիկների մնացորդները և թունավոր նյութերը:

Ռեժան (կաթի սեր)

Ռեժանը պարունակում է մինչև 35% հեշտ յուրացվող ճարպեր, վիտամիններ E, A, C, B2, B1, PP, B, D, կալիում, մագնեզիում, ֆոսֆոր, քլոր, ցինկ, երկաթ, լիցիտին, Լ-տրիպտոֆան: Այն խորհուրդ են տալիս օգտագործել նյարդային համակարգի հանգստացման, սեռական գեղձերի աշխատանք ուժեղացման դեպքում, ինչպես նաև անքնության, դեպրեսիայի, թունավորման (առանձին դեպքերում) ժամանակ:

Տավարի միս

Տավարի միսը պարունակում է կալիում, նատրիում, կալցիում, մագնեզիում, ֆոսֆոր, երկաթ, պղինձ ցինկ, ծծումբ, կոբալտ, վիտամիններ A, E, C, B6, B12, PP, B2, B1, ամբողջական սպիտակուցներ:

Տավարի մսի օգտագործումը նպաստում է երկաթի յուրացման գործընթացին, վնասվածքներից հետո վերականգնմանը, վարակային հիվանդությունների, այրվածքների բուժմանը, օգնում է պայքարել հոգնածության դեմ: Տավարի միսը խորհուրդ են տալիս երկաթի դեֆիցիտի սակավարյունության և <<վատ>> խոլեստերինի բարձր մակարդակի դեպքում: Տավարի լյարդը շատ լավ օգնում է միզաքարային հիվանդությունների բուժման ժամանակ և ինֆարկտի կանխարգելման գործում:

Մասուր

Թարմ վիճակում գտնվող մասուրը ցածր կալորիականությամբ մթերք է, 100 գրամում պարունակվում է ընդամենը 51 կկալ: Մասուրը պարունակում է սպիտակուցներ, ածխաջրեր, դիետիկ մանրաթելեր, ազատ օրգանական թթուներ, կալցիում, նատրիում, կալիում, մագնեզիում, ֆոսֆոր, երկաթ, մանգան, պղինձ, մոլիբդեն, քրոմ, կոբալտ, վիտամիններ B1, B6, B2, PP, K, E, CC, գունանյութեր և տենիններ, ռիբոֆլավին, կարոտին, կիտրոնաթթու, խնձորաթթու, ֆիտոնցիդներ, շաքար, եթերային յուղեր: Մասուրն առանձնանում է ընդհանուր ուժեղացնող, հակաբորբոքային, արագ կազդուրող, թույլ միզարձակող, լեղազատող, տոնուս հաղորդող հատկություններով: Բարձրացնում է վարակներին հակազդելու օրգանիզմի ունակության մակարդակը: Մասուրի օգտագործումը նպաստում է արյունատար համակարգի մաքրմանը, նյութափոխանակության լավացմանը, օրգանիզմի՝ վիտամիններով հարստացմանը, արյան ճնշման իջեցմանը: Այն խորհուրդ են տալիս օգտագործել լնդախտի, սակավարյունության, միզապարկի, երիկամների և լյարդի հիվանդությունների, աթերոսկլերոզի և շատ այլ հիվանդությունների դեպքում: