Չիայի սերմեր

Նախապատմությունը

Չիայի սերմերի հայրենիքը համարվում է Հարավային Ամերիկան, որտեղ մայաները, ինկերը և ացտեկները օգտագործում էին այն որպես հիմնական սննդամթերք: <<Չիա>> հին մայաների լեզվից թարգմանած նշանակում է ուժ:

Կանայք չիայի սերմերն օգտագործում էին կերակուր պատրաստելու և կոսմետիկ նպատակներով, իսկ տղամարդիկ վերցնում էին իրենց հետ կռիվների ժամանակ ուժերը վերականգնելու նպատակով:

Օգտակար հատկությունները

Սուպերմթերքներ – Սրանք բուսական ծագման այն մթերքներն են, որոնք պարունակում են շատ մեծ քանակությամբ օգտակար նյութեր, մասնավորապես պարունակում են մեծ քանակությամբ անփոխարինելի ամինոթթուներ, հանքանյութեր, վիտամիններ և հակաօքսիդանտներ: Սրանք առանձնացվում են առանձին սուպերմթերքների խմբում, քանի որ հենց այս մթերքներում որոշակի սննդարար նյութերի կոնցետրացիան հասնում է հնարավոր մաքսիմումի բոլոր հայտնի մթերքների հետ համեմատած:

Ամենահայտնի սուպերմթերքների մեջ են նաև չիայի սերմերը, որոնք հանդիսանում են բուսական սպիտակուցների, բջջանյութի, օմեգա 3-ի, մագնեզիումի, կալցիումի, ֆոսֆորի հիանալի բնական աղբյուր: Այն կարելի է օգտագործել կաթնամթերքների հետ խառնելով:

Չիայի սերմերը հիանալի մթերք է, որը պարունակում է մեծ քանակությամբ օգտակար էլեմենտներ, որոնք դրականորեն են ազդում մարդու առողջության վրա: Այն վերականգնում է ստամոքսաղիքային տրակտի աշխատանքը, կարգավորում է արյան մեջ շաքարի մակարդակը, լավացնում է մաշկի և մազերի որակը, օգնում է ազատվել դեպրեսիայից:

Իր մեջ պարունակվող երկաթի շնորհիվ մենք կարող ենք մոռանալ անեմնիայի մասին: Այս սերմերի ամենօրյա օգտագործումը բերում է հեմոգլոբին կարգավորմանը:

Չիայի սերմերը հարուստ են կիսահագեցած ճարպաթթուներով, որոնք նպաստում են օրգանիզմի որակյալ աշխատանքին: Օմեգա 3-ի պարունակության հաշվին կանխվում են բորբոքային գործընթացները, ամրացվում են սիրտ անոթային համակարգի պատերը, վերականգնում են հորմոնալ ֆոնի բնականոն աշխատանքը, լավացնում են տեսողությունը:

Չիայի սերմերը խորհուրդ են տրվում հենաշարժողական համակագի խնդիրներ ունեցող մարդկանց, քանի որ նրանց մեջ պարունակվող կալցիումն օգնում է ամրացնել ոսկրերը և ատամները:

Ֆոսֆորի պարունակությունը դրականորեն է ազդում հիշողության վրա, իսկ տրիպտոֆանը բարձրացնում է տրամադրությունը և վերականգնում է բնականոն քունը:

Առանձնահատուկ պետք է նշել, որ չիայի սերմերը պարունակում են նյութեր, որոնք կանխարգելում են կրծքագեղձի, շագանակագեղձի և հաստ աղու քաղցկեղի առաջացումը:

Վնասակար հատկությունները

Չնայած բոլոր դրական հատկություններին պետք չէ մոռանալ, որ չիայի սերմերը ունեն նաև հակացուցումներ:

Շատ փորձագետներ խորհուրդ են տալիս օրական օգտագործել ոչ ավել քան 1 ճաշի գդալը:

Հետևյալ դեպքերում պետք է խուսափել չիայի սերմեր օգտագործելուց.

• Եթե դուք ունեք ալերգիկ դրսևորումներ այս մթերքի նկատմամբ,
• Եթե դուք հիպոտոնիկ եք, այս սուպեր մթերքն իջեցնում է ճնշումը,
• Արգելվում է այս մթերքի օգտագործումը, եթե դուք ասպիրին եք օգտագործում, քանի որ չիայի սերմերն ունեն արյունը ջրիկացնելու հատկություն,

Հղի կանայք չիայի սերմեր օգտագործելուց առաջ պետք է խորհրդակցեն իրենց բժիշկների հետ: