Խոհանոց
Հնդկաձավարով կոտլետ
Բաղադրիչները
| Տավարի աղացած միս՝ 1 կգ |
| Սոխ՝ 3 գլուխ |
| Գազար՝ 2 հատ |
| Ձու՝ 2 հատ |
| Հնդկաձավար՝ 2 ճշ/գ |
| Սպիտակ հաց՝ 2-3 կտոր |
| Կաթ՝ 230 մլ |
| Աղ, պղպեղ |
Պատրաստման եղանակը
- Սոխը մանր խորանարդներով կտրատում ենք, գազարը անցկացնում ենք քերիչով։
- Սոխը բուսայուղի մեջ տապակում ենք մինչև ոսկեգույն դառնա, այնուհետև ավելացնում ենք գազարը։ Մի քանի րոպե տապակում ենք, մինչև գազարը փափկի։
- Ձուն լցնում ենք մսի խճողակի մեջ, աղ և պղպեղ ենք անում` ըստ ճաշակի։ Հնդկաձավարը եփում ենք, սառեցնում և ավելացնում մսով զանգվածի մեջ։
- Բատոնի միջուկը հանում ենք, կաթի մեջ թրջում։ Լավ թրջվելուց հետո, բլենդերով հարում ենք։
- Տապակած բանջարեղենը և կաթի մեջ թրջած հացը լցնում ենք մսով զանգվածի մեջ։
- Լավ խառնում ենք, որպեսզի զանգվածը միասեռ դառնա։
- Կոտլետներ ենք ձևավորում և տեղափոխում ենք յուղապատ տապակի մեջ։
- Եփում ենք 200 աստիճան տաքացրած ջեռոցում` մինչև թեթևակի կարմրեն։
Շատ համեղ հնդկաձավարով կոտլետ , որը հարմար է մատուցել կարտոֆիլի կամ թարմ բանջարեղենի հետ:
Բաղադրատոմսը՝ coocks.am – ից
[efb_likebox fanpage_url=”https://www.facebook.com/aqlorshop/?modal=admin_todo_tour” hide logo”1″ box_width=”” box_height=HEIGHT_OF_BOX_IN_PIXELS”” responsive=”0″ show_faces=”0″ show_stream=”0″ hide_cover=”1″ small_header=”0″ hide_cta=”0″ locale=””]