“Կիևյան Կոտլետը” – միջազգային վեճի առիթ…

Պարզվում է մեզ հայտնի Կիևյան կոտլետի ծագումը այդքան էլ միանշանակ չէ՝ անվանը համապատասխան: Այս ուտեստի համար պայքարում են միանգամից 4 երկրի ազգային խոհանոցներ. Ուկրաինա, Ռուսաստան, ԱՄՆ և Ֆրանսիա: Բայց անհերքելի ապացույցներով ծագման աղբյուր ոչ մի կողմը չի կարողանում ներկայացնել:

համաձայն ֆրանսիական տեսակետի, Ռուսաստանի կայսրուհի Ելիզավետան պաշտում էր ֆրանսիական խոհանոցը և նրա պահանջով Պետերբուրգում բացվում է ֆրանսիական ռեստորան, որտեղ էլ առաջին անգամ պատրաստվում են այս կոտլետները: Պարզապես դրանք կոչվում էին “թռչնային կոտլետներ” (Cotelettes de volaille)

հետաքրքիր է, որ ուկրանիակն տարբերակը ևս կապվում է Ֆրանսիայի հետ: Դրանք Կիևում պատրաստվում էին դեռևս 1918 թվականին, սակայն այդքան էլ հայտնի չէին: Մոտ 30 տարի անց Փարիզից ժամանած բարձրաստիճան պատվիրակությանը հյուրասիրում են այս կոտլետներից: Նրանք շատ են հավանում և առաջարկում են “Ինտուրիստ” ռեստորանների մենյույում անպայման ներառել: Իսկ ահա անվան համար պետք է շնորհակալություն հայտնել Նիկիտա Խրյուշչովին, ով այս պատմությունը ներկայացնելիս օգտագործեց “Կիևյան կոտլետ” անվանումը:

ռուսները ֆրանսիական տեսակետի պես կարծում են, որ դրանք ծնվել են Պետերբուրգի ռեստորաններում դեռևս 1912 թվականին և կոչվում էին «ново-михайловскими», ի պատիվ հարևանությամբ գտնվող Միխայելովյան պալատի:

ամերիկացիները վստահեցնում են, որ այն ամերիկյան ուտեստ է: Եվ քանի որ Նյու-Յորքի ռեստորաններում այն հիմնականում պատվիրում էին ուկրաինացի էմիգրանտները, կոտլետները կոչվեցին Կիևյան: Այսօր էլ այն ԱՄՆ-ում բավականին պահանջված է և հանդիպում է«Chicken Kiev», իսկ երբեմն նաև «Tsiplenok Po-Kievski» անվամբ: