Ծիրանաչիր

Oգտակար հատկությունները

Վիտամինների պարունակությամբ ծիրանաչիրն էականորեն զիջում է թարմ ծիրանին, սակայն միկրո և մակրոէլեմենտների կազմով մի աստիճան ավելի բարձր է: Այն պարունակում է վիտամիններ A, B1, B2, C, PP, հանքանյութեր` կալիում, կալցիում, մագնեզիում, նատրիում, ֆոսֆոր, երկաթ, ճարպային և օրգանական թթուներ:

Դիետոլոգները խորհուրդ են տալիս գարնանը և աշնանն օրգանիզմում օգտակար սննդանյութերի լրացման, ինչպես նաև սակավարյունության, աչքի, ստամոքս-աղիքային տրակտի, սիրտ-անոթային համակարգի, աթերոսկլերոզի, տրոմբոֆլեբիտի հիվանդությունների կանխարգելման համար օրական օգտագործել 4-5 հատ ծիրանաչիր: Ընդ որում խորհուրդ է տրվում ծիրանաչիրը (100գ) աղալ մսաղացում, ավելացնել մեղր (2-3 ճ. գ.) և այդ զանգվածն օրական ընդունել 2-3 անգամ մեկական ճաշի գդալով: Բուժման կուրսը տևում է մեկ ամիս, որից հետո պետք է երկշաբաթյա ընդմիջում անել, ինչից հետո նորից կրկնել ևս մեկ ամսով:

Ծիրանաչրի պարբերական ընդունումը կարգավորում է հորմոնալ բալանսը, դուրս է բերում վատ խոլեստերինը` կանխարգելելով սրտի կաթվածի և ինսուլտի առաջացումը, լավացնում է դիաբետով հիվանդների ընդհանուր վիճակը, ինչպես նաև կարգավորում է վահանաձև գեղձի և երիկամների խախտված աշխատանքը:

Ծիրանաչրի որոշ նյութեր ընդունակ են կասեցնել քաղցկեղածին բջիջների աճը: Այս նպատակով ծիրանաչիրը պետք է ընդունել այլ չրերի հետ միասին: Դրա համար պետք է մսաղացով աղալ 200գ. ծիրանաչիրը, 100գ. սալորաչիրը և 100գ. մաքրված հնդկական ընկույզը: Այս բաղադրիչներին պետք է ավելացնել 2 ճ. գ. մեղր և խառնել: Խառնուրդը պետք է պահել սառնարանում` փակ տարայում: Նախընտրելի է ընդունել առավոտյան մինչև նախաճաշը և երեկոյան քնելուց առաջ` մեկական ճաշի գդալ:

Ծիրանաչիրն իր դիետիկ հատկությունների շնորհիվ մտնում է շատ արդյունավետ դիետաների բաղադրության մեջ: Այն օգտագործում են ինչպես դիետաների ընդհանուր կոմպլեքսում, այնպես էլ` ծոմապահության օրը որպես հիմնական բաղադրիչ: Դրա համար անրաժեշտ է 300գ. ծիրանաչիրը խյուս դարձնել և վրան ավելացնել դեղձի կամ ծիրանի հյութ (500մլ): Ստացված շիլան բաժանել 3-4 մասի` մեկ օրվա ընթացքում ընդունելու համար:

Վնասակար հատկությունները

Ծիրանաչրի չափից շատ օգտագործումը կարող է առաջացնել փորլուծություն և ստամոքսի խանգարում: Պետք չէ ծիրանաչիրը տալ մինչև մեկ տարեկան երեխաներին և այն մարդկանց, ովքեր ալերգիա ունեն ծիրանից: Դա երեխաների մոտ կարող է առաջացնել դիաթեզ, իսկ մեծահասակների մոտ` ալերգիկ ռեակցիաներ: Ծրանաչիրը հակացուցված է ասթմայի և հիպոթենզիայի դեպքում, քանի որ այն ունի արյան ճնշումն իջեցնելու հատկություն: