Խոհանոց
Խոզապուխտ իտալական ձևով
Բաղադրիչները
| Խոզի բուդ՝ (կամ թիակ) |
| Մեխակ |
| Խնկունի չոր ( Розмарин ) |
| Ռեհան չոր |
| Սխտոր |
| Սև պղպեղ – հատիկ |
| Անիսոնի սերմեր |
| Ծովի աղ՝ 100 գր |
| Կերակրի աղ՝ 10 գր |
| Ջուր |
Պատրաստման եղանակը
- Կաթսան լցնում ենք անհրաժեշտ քանակության ջուր և դնում կրակին: Երբ ջուրը սկսի եռալ ավելացնում ենք չոր ռեհան, խնկունի, անիսոնի սերմեր և սև պղպեղ: Այնուհետև մի քանի պճեղ սխտոր բաժանում ենք մասերի ու ավելացնում կաթսա: Թողնում ենք եռա ևս 2-3 րոպե, ապա ամբողջովին սառեցնում ենք: Սառը եփուկն անց ենք կացնում մաղով և համեմում ծովի և կերակրի աղով:
- Խոզի բուդը լվանում ենք հոսող ջրի տակ և դնում սառնարան՝ մինչև եփուկն ամբողջությամբ կսառչի (մոտ 3-4 ժամ): Այնուհետև մսի ողջ արտաքին մակերևույթին շարում ենք մեխակներ: Խոհարարակն ներարկիչով եփուկը տարբեր հատվածներից սրսկում ենք մսի մեջ: Միսը տեղադրում կաթսայի մեջ, ավելացնում մնացած եփուկը:
- Ծածկում ենք կաթսայից փոքր ափսեյով կամ կափարիչով այնպես,որ միսն ամբողջությամբ ընկղմված լինի ջրի մեջ և կրկին տեղափոխում սառնարան, որտեղ թողնում ենք 24 ժամ:
- Այժմ պետք է միսը շատ լավ քամել: Կախում ենք լավ օդափոխվող սենյակում, որտեղ ջերմաստիճանը պետք է լինի 15-17 աստիճան: Հարմար տարբերակ է գլանային վիրակապը, որն անց ենք կացնում մսի վրա և ծայրերը կապում: թողնում այդպես 8 ժամ:
- Պահանջված ժամանակը լրանալուց հետո միսը ջեռոցում դրեք ցանցային դարակաշարերի վրա, իսկ ներքևի մասում խոր ափսե՝ հյութը հավաքելու համար: Ջերմաստիճանը դնում ենք 50 աստիճանի, ապա աստիճանաբար բարձրացնում մինչև 80 աստիճանի: Պատրաստի խոզապուխտի ներսում ջերմաստիճանը չպետք է գերազանցի 75 աստիճանը: Հետեւաբար, մեզ անհրաժեշտ է խոհարարական ջերմաչափ: Ջեռոցում միսը մնում է ոչ պակաս, քան 8 ժամ: Ապա խոզապուխտը պետք է լավ սառչի (թողնում ենք սառնարանում մոտ 8-10 ժամ):
Այժմ կարելի է փորձել 😉
Միացե՛ք մեզ ֆեյսբուքում
և ամեն օր ստաց՛ք օգտակար ինֆորմացիա առողջության վերաբերյալ
[efb_likebox fanpage_url=”https://www.facebook.com/aqlorshop/?modal=admin_todo_tour” hide logo”1″ box_width=”” box_height=HEIGHT_OF_BOX_IN_PIXELS”” responsive=”0″ show_faces=”0″ show_stream=”0″ hide_cover=”1″ small_header=”0″ hide_cta=”0″ locale=””]