Կանաչ Լոբի

Օգտակար հատկությունները

Լոբին պարունակում է օսլա, ածխաջրեր, սպիտակուցներ, ճարպեր, կալիում, կալցիում, ֆոսֆոր, մագնեզիում, ծծումբ, երկաթ, կարոտին, վիտամիններ B, C, PP, պրովիտամին A, մանգան, մոլիբդեն, պեկտիններ, ֆոլաթթու և այլ օրգանական թթուներ:

 Լոբին պարունակում է մինչև 40% սպիտակուցներ և այդ առումով հեշտությամբ կարող է փոխարինել մսամթերքին:

Լոբին հանդիսանում է օրգանիզմում խոլեստերինի մակարդակն իջեցնող մանրաթելերի անփոխարինելի աղբյուր: Լոբին հանքանյութերի հրաշալի աղբյուր է, մասնավորապես մոլիբդենի, որը հանդիսանում է այն ֆերմենտի հիմնական բաղադրիչը, որը պատասխանատու է վտանգավոր կոնսերվանտների չեզոքացման համար: Սրանք այն վտանգավոր կոնսերվանտներն են, որոնք սովորաբար ավելացվում են պատրաստի մթերքների մեջ: Լոբին նաև կարգավորում է արյան մեջ շաքարի մակարդակը:

Մեծ քանակությամբ մանրաթելեր և պեկտիններ պարունակելու շնորհիվ (որոնք ունակ են աղիներից ծանր մետաղների աղերը այդ թվում ռադիոակտիվ իզոտոպները դուրս բերել) լոբին սննդի մեջ պետք է լայնորեն օգտագործեն այն մարդիկ, ովքեր ապրում են ռադիոնուկլիդներով աղտոտված տարածաշրջանում:

Կալիումով և ֆոլաթթվով հարուստ լինելու շնորհիվ լոբին կարելի է համարել առողջարար սնունդ: Այն պաշտպանում է մեր օրգանիզմը վարակներից և մաքրում է արյունը: Լոբին պարունակում է մեծ քանակությամբ B խմբի վիտամիններ, ինչի շնորհիվ նվազում է սիրտանոթային հիվանդությունների առաջացման ռիսկը: Լոբին դրականորեն է ազդում մարսողության վրա, քանի որ պարունակում է մեծ քանակությամբ սննդային մանրաթելեր: Սա հենց այն է, ինչը շատ է պակասում սննդի մեջ ժամանակակից մարդուն: Լոբին պարունակում է բավարար քանակությամբ մանգան, ինչի շնորհիվ մեր մազերը դառնում են ավելի ամուր և գեղեցիկ:

 Դիետոլոգները հավաստիացնում են, որ օրական 100-150 գր. լոբի օգտագործելու դեպքում արդեն 2-3 շաբաթ հետո օրգանիզմում նկատվում է խոլեստերինի մակարդակի էական իջեցում: Սննդի ոլորտի գիտնականները պարզել են, որ մարդը պետք է մեկ տարվա ընթացքում օգտագործի 15-20կգ լոբազգիների մթերքներ` առողջության պահպանման համար:  Լոբու ևս մեկ օգտակար հատկությունն էլ այն է, որ այն սնում է մեր օրգանիզմը սպիտակուցներով` առանց ճարպերի ուղեկցության: Սա լոբուն դարձնում է անփոխարինելի դիետիկ և բուսակերային սնունդ: Լոբազգիները վստահորեն կարելի է դիտարկել որպես մթերքներ, որոնք ունեն բուժիչ ազդեցություն: Ապացուծված է նրանց արդյունավետությունը ստամոքսաղիքային տրակտի, սիրտանոթային, երիկամների և լիարդի հիվանդությունների կանխարգելման գործում: Լոբազգիներն իդեալական տարբերակում պետք է կազմեն մեր սննդակարգի ոչ պակաս քան 8-10%:

 Ժողովրդական բժշկության մեջ լոբու խյուսը կամ խաշած զանգվածն օգտագործում են որպես կարևորագույն միջոց փորլուծության դեմ: Կաթով եփված աղացած լոբին դնում են թարախակույտերի վրա` դրանց լավացումն արագացնելու համար:

Լոբիների հաճախ օգտագործումը թույլ է տալիս կանգնեցնել քաղցկեղային ուռուցքների աճը:

Լոբու ծաղիկների թուրմն օգտագործում են որպես կոսմետիկ միջոց` դեմքի մաքրման և լվացման համար:

Դրական ազդեցություն թողնում շնչառական համակարգի վրա, օգնում պայքարել բրոնխային հիվանդությունների դեմ

Օգտակար է տուբերկուլյոզի ժամանակ։

Օգտակար է շաքարային դիաբետ ունեցող մարդկանց համար, քանի որ օժտված է շաքարի մակարդակն իջեցնելու հատկությամբ

Վնասակար հատկությունները

Լոբու բազմաթիվ տեսակներ արգելված է ուտել հում վիճակում։

Լոբիները կարող են վնասել այն դեպքում, երբ դրանք վատ են մշակված և սխալ են պատրաստված: Պատրաստելու ժամանակ լոբին պետք է տապակել կամ եփել, հակառակ դեպքում նյութերը, որոնք չեզոքացվում էին ջերմամշակման ժամանակ, կարող են վնասել մարսողության համակարգի լորձաթաղանթը և լուրջ վնաս հասցնել ստամոքսին: Սխալ մշակման դեպքում կարելի է նույնիսկ թունավորվել, որն ուղեկցվում է ուժեղ գլխացավով, մաշկի դեղնմամբ և սրտխառնոցով:            

Լոբու օգտագործումը պետք է սահմանափակեն այն մարդիկ, որոնք հիվանդ են երիկամների բորբոքումով, ենթաստամոքսային գեղձի բորբոքումով, ինչպես նաև նրանք, ովքեր ստամոքսի հետ ունեն խնդիրներ: