Ինչպե՞ս ճիշտ պատրաստել տնական աքլորը:

Նախ ֆիքսենք, որ աքլոր պատրաստելը ավելի երկար է տևում, քան հավ պատրաստելը: Այն առհասարակ հազվադեպ են տապակում: Հիմնականում ​​շոգեխաշում, արգանակներ եփում կամ էլ պատրաստում ջեռոցում:

Աքլորի անմահական ուտեստներից է նաև դոնդողը (холодец): Այն ոչ միայն կատարյալ է կարծրանում, այլև շատ համեղ է ստացվում նույնիսկ առանց համեմունքների: Միայն պետք է եփել առնվազն 8-10 ժամ: Ի դեպ, պրոֆեսիոնալ խոհարարները դոնդող պատրաստելիս օգտագործում են ինչպես երիտասարդ, այնպես էլ տարիքով աքլորի միս:

Աքլորը կարելի է շոգեխաշել և՛ տապակի և՛ բազմաեփի (мультиварка) մեջ: Այդ եղանակի համար օգտագործեք թթվասեր ու սերուցք, որոնք լավ են լրացնում նրա համը: Կարող եք պատրաստել անմիջապես կարտոֆիլով, գազարով և այլ բանջարեղենով:

Աքլորի մսից պատրաստված արգանակից ստացվում է անմահական բորշ:

Ինչպե՞ս վարվել տարիքով աքլորի մսի հետ

Այստեղ խնդիրը միայն կոշտությունը չէ: Դրանից նաև տհաճ հոտ է գալիս, որը կարող եք և չզգալ շուկայում գնելիս, քանի որ այն ավելի արտահայտիչ է դառնում պատրաստելիս: Պետք չէ նեղանալ վաճառողից, այլ ընդամենը ճիշտ մշակել:
Միսը պետք է լավ լվանալ, չորացնել, այնուհետև պատել սոդայով ներսից և դրսից ու թողնել այդպես 20-30 րոպե: Սա կազատի հոտից: Այնուհետև կես լիտր ջրին ավելացրեք մեկ ճաշի գդալ քացախ և եռացրեք թույլ կրակի վրա: Հեռացրեք ջուրը, ողողեք միսը, ավելացրեք նոր ջուր և եփեք մինչև փափկելը: Այս եղանակով միսը կդառնա ավելի հյութալի և փափուկ:

Շոգեխաշում ենք տնական աքլորը

Մեզ անհրաժեշտ է

Աքլոր՝ միջին չափի
Գինի՝ 1 բաժակ (նախընտրելի է սեղանի կարմիր)
Լոլիկ
Սոխ՝ 2 գլուխ
Սխտոր՝ 3-5 պճեղ
Աղ և համեմունքներ:

Ինչպե՞ս պատրաստել

Լավ լվանալ թռչնամիսը, հեռացնել ավելորդ հեղուկը, սրբել ներսը խոհանոցի թղթե անձեռոցիկներով բաժանել մասերի:

Տապակել նախապես տաքացրած տապակի մեջ մինչև ոսկե դարչնագույն դառնալը: Ավելացնել ամբողջական սխտոր կամ կիսով կտրած:

Տապակած միսը տեղափոխել կաթսա: Ավելացնել աղը, համեմունքները (դափնու տերևը պարտադիր), գինի և ջուրը այնքան, որ միսը ամբողջությամբ ծածկվի:

Խաշել թույլ կրակի վրա և ողջ ամբողջությամբ ծածկված մոտ երկու ժամ: Ավելացնել լոլիկի կտորներ և շոգեխաշել ևս մեկ ժամ:

Տապակելուց հետո մնացած յուղի վրա մանրացնել սոխը և տապակել: Ավելացնել մնացած բաղադրիչներին, և թողնել կրակին ևս 10-15 րոպե:

Մատուցել տաք վիճակում:

Այս բաղադրատոմսը կարելի է մատուցել տոնական սեղանին: Հաղթանակ-շահ տարբերակ: Այն հիանալի է համադրվում կարտոֆիլի ուտեստների հետ:

Տնական աքլորը պատրաստում ենք ջեռոցում

Մեզ անհրաժեշտ է

Աքլոր՝ միջին չափի;
սխտոր՝ 2-3 պճեղ;
դափնու տերև 2-3 հատ;
քացախ՝ 1 թեյի գդալ;
Կարմիր և սև պղպեղ;
Աղ:

Ինչպե՞ս պատրաստել

Լավ լվանալ միսը, չորացնել և բաժանել մասերի: Տեղադրել խորը ամանի մեջ:

Կտրտել սոխը և սխտորը: Տարածել թռչնամսի մակերեսին:

Ծածկել քացախի և ջրի խառնուրդով: Թողնելք մարինացվի առնվազն մեկ ժամ:

Կտորները թողնել կաղապարին: Դնել 190 աստիճան տաքացրած ջեռոցում 10-15 րոպե: Մնացած մարինադը լցնել վրան և եփել ևս 40-60 րոպե:

Որքան փոքր են մսի կտորները, այնքան արագ է պատրաստվում ուտեստը:

Փորձենք նաև պատրաստել բազմաեփի մեջ

Մեզ անհրաժեշտ է

Աքլոր՝ միջին չափի;
Ջուր՝ 0.5լ;
Մեծ սոխ;
Գազար;
Ալյուր՝ 3 ճ/գ;

Տոմատի մածուկ;
աղ և սև պղպեղ;
Բուսական յուղ:

Ինչպե՞ս պատրաստել

Լավ լվանալ միսը, չորացնել և բաժանել մասերի: Տեղադրել խորը ամանի մեջ: Համեմել աղով և համեմունքներով:

Մսի կտորները թաթախել ալյուրի մեջ: Այնուհետեւ տապակել «Տապակ» ռեժիմով՝ մինչեւ ոսկե դարչնագույն դառնալը:

Կտրել սոխը կես օղակների մեջ, դնել մսի վրա: Փակել կափարիչը և եփել մոտ կես ժամ «Շոգեխաշել» ռեժիմում:

Մի բաժակ ջուր լցնել, ավելացնել միջին քերիչով քերած գազարը: Եփել ևս կես ժամ:

Խառնել տոմատի մածուկը, մի բաժակ ջուր և մի գդալ ալյուր: Ավելացնել մսի վրա և շոգեխաշել մինչև փափկեցնելը:

Մատուցել կարտոֆիլի հետ՝ վրան ավելացնելով ստացված սոուսը: