Սննդակարգ ԱՉՔԵՐԻ համար

Աչքերը օրգանիզմի կարևոր զգայարաններից են, որոնց միջոցով մարդը ստանում է շրջակա միջավայրի վերբարյալ տեղեկատվության մինչև 90 տոկոսը:

Ընտրելով ճիշտ սննդամթերքներ՝ կարելի է պաշտպանել աչքերը ժամանակից շուտ ծերանալուց և վերադարձնել նրանց առողջությունն ու գեղեցկությունը:

Վիտամիններ տեսողության համար

Վիտամին A – կանխում է ցանցաթաղանթում դեգեներատիվ փոփոխությունները և լավացնում է տեսողոության սրությունը,

Վիտամին C – բարձրացնում է տոնուսը և լավացնում է միկրոշրջանառությունը աչքի մկաններում,

Վիտամին E – կանխում է կարճատեսության և ոսպնյակի անթափանցիկության (մգացման) զարգացումը,

 B խմբի վիտամիններ – լավացնում են տեսողական նյարդի աշխատանքը և մասնակցում են վիտամինների յուրացմանը,

Վիտամին D – օմեգա դասի կիսահագեցած ճարպաթթուների հետ միասին կանխում են ցանցաթաղանթի դեգեներացիայի զարգացումը:

Միկրոէլեմենտներ

Կալիում – անհրաժեշտ է օրգանիզմում թթվահիմնային հավասարակշռության պահպանման համար,

Կալցիում – մտնում է բջիջների և հյուսվածքային հեղուկի բաղադրության մեջ: Ունի հակաբորբոքային ազդեցություն,

Ցինկ – մասնակցում է հյուսվածքների շնչառությանը,

Սելենիում – լավ օքսիդացնող միջոց է, նպաստում է վիտամինների յուրացմանը:

🙂 Առողջ աչքի համար լավագույն 10 մթերքները

1. Գազար – Բարելավում է տեսողության սրությունը մեծ քանակությամբ կարոտինի պարունակության շնորհիվ,
2. Հապալաս – պարունակում է վիտամին A և աչքի համար օգտակար այլ նյութեր,
3. Սպանախ – լյուտեինի պարունակության շնորհիվ կանխում է կատարակտը և աչքի այլ հիվանդություններ,
4. Եգիպտացորեն, բրոկոլի – պարունակում են մեծ քանակությամբ հակաօքսիդանտներ, որոնք օգտակար են կատարակտ ունեցողների համար,
5. Ծիրան – հարուստ է կալիումով և վիտամին A-ով,
6. Մասուր, ցիտրուսային մրգեր – տեսողական օրգանների վրա ունեն ընդհանուր ամրացնող ազդեցություն, պարունակում են մեծ քանակությամբ վիտամին C,
7. Ծլեցված ցորեն, ընկույզ, արևածաղիկ – հարուստ են B և E վիտամիններով,
8. Ծովատառեխ՝ ձողաձուկ – պարունակում է մեծ քանակությամբ D վիտամին և կիսահագեցած ճարպաթթուներ,
9. Սոխ, սխտոր – պարունակում են ծծումբ, որը դրականորեն է ազդում տեսողության սրության վրա և կանխում է թրոմբների առաջացումը,
10. Կարմիր բազուկ – պարունակում է վիտամին C և կալիում, ունի մաքրող հատկություն:

Ընդհանուր խորհուրդներ

Աչքի առողջության համար անհրաժեշտ է, որ դիետաները լինեն ամբողջական և բազմատեսակ: Ավելի լավ է օգտագործել 4 անգամյա սնունդ հարուստ բանջարեղենով և մրգերով: Բանջարեղենային աղցանները, թարմ քամած գազարի, բազուկի և մասուրի հյութերը համադրված սպիտակուցների ոչ մեծ քանակություն պարունակող մթերքների, ձավարեղենի և կաթնաթթվային խմիչքների հետ հենց այն է, ինչ պետք է աչքերին:

Չափից շատ ուտելը վտանգավոր է աչքերի առողջության համար: Չափից շատ ուտելու արդյունքում ատելիքը չի կարող ամբողջությամբ ենթարկվել ստամոքսահյութի ազդեցությանը: Իսկ նման սնունդը առաջացնում է տոքսիններ՝ թունավոր նյութեր, որոնք հայտվելով արյան մեջ օրգանիզմի ընդհանուր թունավորման են բերում:

Աչքերի առողջության համար ժողովրդական մեթեդներ

Տեսողության լավացման համար շատ լավ միջոց է գազարի հյութը, որը հարուստ է վիտամին A-ով: Գազարի հյութը լավագույնս յուրացնելու համար անհրաժեշտ է խառնել այն կաթի հետ 50/50 հարաբերակցությամբ: Կոկտեյլին կարելի է ավելացնել մի քանի ճաշի գդալ բազուկի հյութ: Այս հեղուկը պետք խմել օրական 1 բաժակ, մի ամսվա ընթացքում:

Տեսողական նյարդի և աչքի արտաքին թաղանթի բորբոքման դեպքում ցանկալի է օգտագործել մաղադանոս, որը նպաստում է տոքսինների դուրս բերմանը:

Աչքի համար ամենաօգտակար հատապտուղը հապալասն է: Եթե թարմը չկա, կարելի է օգտագործել սառեցվածը:

Շատ բարենպաստ է աչքի վրա ազդում ծիրանը (իր մեջ եղած կալիումի շնորհիվ): Ի դեպ ավելի լավ է օգտագործել թարմ միրգը կամ առանց հավելումների մաքուր ծիրանաչիրը: Ծծումբով կամ այլ քիմիկատներով վերամշակածը վտանգավոր է աչքերի համար: