Սագախոտ (քինոա)

Էներգետիկ արժեքը 100 գրամում

  • կալորիականությունը՝ 368 կկալ
  • սպիտակուցներ՝ 14,12 գր
  • ճարպեր՝ 6,07 գր
  • ածխաջրեր՝ 57,16 գր
  • ջուր՝ 12,28 գր
  • այրվածքային մնացորդ (հանքային աղեր)՝ 2,38 գր

Սագախոտը  (նաև Եփութուխ, լատ.՝ Quinoa) շատ սննդարար հացազգի է, որը հարուստ է մագնեզիումով ու երկաթով, և ունի սպիտակուցի բարձր մակարդակ (12%-18%): Սագախոտն աճել է Հարավային Ամերիկայի բնությունում, սական իր գերուտեստ լինելու շնորհիվ՝ այժմ նաև աճեցվում է այլ տեղերում, ինչպես նաև Հայաստանում:

Հեշտությամբ է եփվում, և կարելի է այն օգտագործել բազում հեշտ և սննդարար ուտեստներ ստեղծելու համար: Գոյություն ունեն սպիտակ, կարմիր և սև տեսակներ, սակայն եփվելու և սննդային արժեքի տեսանկյունից շատ չեն տարբերվում:

100 գրամ սագախոտը միջինում պարունակում է 368 կկալ: Բժիշկների մեծամասնությունը խոսում են այն մասին, որ հենց այս մշակաբույսը կարող է փրկել աշխարհը ճարպակալումից, քանի որ սագախոտից պատրաստված ճաշատեսակները ոչ միայն ունեն ցածր կալորիականություն (120 կկալ` 100 գրամում), այլ նաև` ցածր գլիկեմիկ ինդեքս:

Սագախոտի արժեքայնությունը բարձրացնելու համար այն կարելի է ծլեցնել: Այդ դեպքում նրանում ակտիվանում են մարսողությունը հեշտացնող ֆերմենտներ և բարձրանում է վիտամինների պարունակության մակարդակը: Ի տարբերություն այլ հացահատիկների, սագախոտի աճեցման համար անհրաժեշտ է ընդամենը 2-4 ժամ: Հում սագախոտն ավելացնում են աղցանների մեջ, օգտագործում են որպես խավարտ տարբեր սառը ուտեստների համար:

Խոհարարության մեջ

Այժմ սագախոտը հաճախ հանդիպում է բուսակերների սննդակարգում: Այն եփում են և մատուցում որպես խավարտ կամ ավելացնում են սուսի տեսքով հիմնական ճաշատեսակի վրա:

Սագախոտ պատրաստելու համար պետք է հիշել 3 կանոն.

  • Լավ լվանալ այն (այլապես պատրաստի եփածը կունենա դառը համ),
  • Շատ երկար չթողնել եփվի (սագախոտը թթվահամ է դառնում),
  • խառնել եփվող շիլան (որպեսզի խուսափեք տակը կպչելուց):

Եփված սագախոտի համը նման է չմշակված բրնձի համին: Եվ այս մշակաբույսը եփվում է այնպես, ինչպես բրինձը: 1 բաժին սագախոտի համար լցնում են 2 բաժին ջուր և եփում են մինչև ջրի լրիվ վերջանալը, մոտավորապես 15-20 րոպե, որը 2-3 անգամ ավելի արագ է, քան բրնձի պատրաստման ժամանակը:

Միացե՛ք մեզ ֆեյսբուքում
և շարունակե՛ք ստանալ օգտակար ինֆորմացիա սննդակարգի և առողջության վերաբերյալ

[efb_likebox fanpage_url=”https://www.facebook.com/aqlorshop/?modal=admin_todo_tour” hide logo”1″ box_width=”” box_height=HEIGHT_OF_BOX_IN_PIXELS”” responsive=”0″ show_faces=”0″ show_stream=”0″ hide_cover=”1″ small_header=”0″ hide_cta=”0″ locale=””]

Բացի դա, սագախոտը, ինչպես և բրինձը, շատ լավ համադրվում է այլ մթերքների հետ. միս, բանջարեղեն, ձուկ, ընդեղեն, սոուսներ, մեղր, մրգեր: Այդ պատճառով սագախոտը կարող է փոխարինել բրնձին սիրելի ճաշատեսակներում և արդյունքում կստանանք անսովոր համ և ոչ պակաս համեղ ճաշատեսակ:

Սագախոտից ստացված ալյուրը օգտագործում են հաց թխելու, տարբեր տեսակի, մակարոնների և այլ ճաշատեսակների պատրասման համար: Զրի և շաքարի ավելացման դեպքում ստացվում է հիանալի զովացուցիչ ըմպելիք:

Պետք է նշել, որ ապուրների և խավարտների համար խորհուրդ է տրվում օգտագործել կաթնագույն հատիկները, իսկ աղցանների մեջ ավելի լավ են նայվում կարմիր և սև տեսակները:

Կոսմետոլոգիայում

Կոսմետոլոգները սագախոտի աղացած սերմերը համարում են սկրաբ պատրաստելու հրաշալի միջոց, որն օգնում է ցելյուլիտի դեպքում: Դրանք հիանալի վերականգնում և փափկացնում են մաշկը: Հաճախ օգտագործում են տարբեր դեղամիջոցներ այս բուսական մթերքի հետ: Համարվում է, որ դրանցից շատերը ունեն հիանալի բարձրացնող, ձգող ազդեցություն:

Բուժիչ հատկությունները

Սագախոտի սերմերը լավ ազդեցություն են թողնում սիրտանոթային համակարգի վրա, քանի որ իր մեջ պարունակվող մագնեզիումի հաշվին հանում է անոթներում առկա լարվածությունը: Սրա հետ միաժամանակ մարդիկ, ովքեր տառապում են գլխացավից, սագախոտը ներառելով իրենց սննդակարգ կարող են ազատվել ցավից մեկընդմիշտ:

Իր բաղադրության շնորհիվ այս մթերքը առաջին հերթին անհրաժեշտ է առողջ և ամուր օրգանիզմ ձևավորելու համար` սկսած ոսկրերից, վերջացրած ներքին օրգաններով:

Սագախոտի անընդհատ օգտագործումը օգնում է ամրացնել ոսկրերը և ուրեմն ազատել շատ հիվանդություններից: Օրինակ արտրիտից, որը շատ կարևոր է տարեց մարդկանց համար: Իջեցնում է շաքարի մակարդակը, կանխարգելում է սիրտ անոթային հիվանդությունների առաջացումը, օգնում է պաշտպանվել սակավարյունությունից:

Մասնագետները խորհուրդ են տալիս օգտագործել սագախոտը հղիների և կերակրող մայրերի սննդակարգում: Կրծքով կերակրման դեպքում խորհուրդ է տրվում զգուշությամբ սագախոտը ներառել սննդակարգում` հետևելով երեխայի ռեակցիային:

Բայց ամենից առաջ սագախոտը հզոր կազդուրող միջոց է, ինչը շատ անհրաժեշտ է մարդկանց, որոնք նոր են վիրահատության ենթարկվել, կամ լուրջ հիվանդություն են հաղթահարել, ինչպես նաև այն մարդկանց, ովքեր ամեն օր շատ ուժ և էներգիա են վատնում:

Օգտակար հատկությունները

Սագախոտի առաջնային օգտակարությունն այն է, որ այն բուսական ամբողջական սպիտակուցների հիանալի աղբյուր է (այստեղ այն ավելի շատ է, քան հնդկաձավարի մեջ), միևնույն ժամանակ այն շատ լավ մարսվում է: Թարմ հատիկներում միջինում պարունակվում է 16.2% սպիտակուցներ, իսկ որոշ տեսակերում` ավելի քան 20% (11-14% ցորենում, 10% կորեկում, 7.5% բրնձում, 3.5% եգիպտացորենում): Սպիտակուցների այս չափ պարունակությունն է հենց սագախոտին դարձրել անփոխարինելի մթերք, հղիների, երեխաների, մարզիկների և ֆիզիկական և մտավոր ծանր աշխատանք կատարողների համար:

Այս մթերքում այնպես, ինչպես սպիտակուցներ պարունակող ոչ մի այլ մթերքում պարունակվում են բոլոր արժեքվոր ամինաթթուները. արգինին, վալին, իզոլեյցին, հիստիդին, լիզին, մետիոնին, ցիստեին+մետիոնին, տլիպտոֆան, տրոենին և այլն:

Սագախոտի մեջ լիզինի պարունակության շնորհիվ օրգանիզմը հեշտ է յուրացնում կալցիումը, իսկ վնասված մկանների վերականգնումը տեղի է ունենում ավելի արագ և էֆեկտիվ: Լիզինը նաև նպաստում է հասակի աճին և դրականորեն է ազդում ոսկրերի ձևավորման վրա:

Սագախոտում կան նաև գրեթե բոլոր փոխարինվող ամինաթթուները. ալանին, ասպարաթթու, գլիցին, գլուտամինաթթու, սերին, պրոլին, ցիստեին, տիրոսին:

Բացի բացառիկ սպիտակուցներից սագախոտը պարունակում է նաև ճարպեր (լեցիտիտաթթվի մեծ պարունակությամբ), ածխաջրեր, հանքանյութեր, վիտամին B և այլն:

Սագախոտը պարունակում է տարբեր հանքանյութեր ևս. մագնեզիում (64մգ 100 գրամում), կալիում (172մգ), երկաթ (1.4մգ), կալցիում (17մգ), ցինկ (1.09մգ): Սագախոտը հարուստ է նաև ֆոսֆորով (152մգ): Այն 3 անգամ ավելի շատ է, քան ամենաորակյալ բրնձի մեջ, այնքան, որքան շատ ձկնատեսակների մեջ:

Հակացուցումները

Քանի որ մթերքում պարունակվում են շատ սպիտակուցներ և օքսալատներ, օգտագործելուց առաջ պետք է խորհրդակցել բժկի հետ այն մարդկանց, ովքեր երիկամային խնդիրներ ունեն, ինչպես նաև հոդային հիվանդություններ ունեցողները:

Փոքրիկների և կերակրող մայրերի սննդակարգ այս հացահատիկը պետք է ներառել շատ զգույշ և աստիճանաբար, քանի որ պտուղը և մինչև 1 տարեկան երեխաները կարող են զգայուն լինել սագախոտի նկատմամբ:

Միներալներ

Ֆոսֆոր457 մգ
Մագնեզիում197 մգ
Երկաթ4,6 մգ
Կալիում563 մգ
Պղինձ0,6 մգ
Ցինկ3,1 մգ
Մանգան2 մգ
Կալցիում47 մգ
Նատրիում5 մգ
Սելեն8,5 մգ
Choline total — մգ

Վիտամիններ

ՎԻՏԱՄԻՆ A 1 µg
ՎԻՏԱՄԻՆ B1 0.4 µg
ՎԻՏԱՄԻՆ B2 0.3 µg
ՎԻՏԱՄԻՆ B3 1.5 µg
ՎԻՏԱՄԻՆ B5 0.8 µg
ՎԻՏԱՄԻՆ B6 0.5 µg
ՖՈԼԱԹԹՈՒ (B9) 0.184 µg
ՎԻՏԱՄԻՆ B12 0 µg
ՎԻՏԱՄԻՆ C 0 µg
ՎԻՏԱՄԻՆ D 0 µg
ՎԻՏԱՄԻՆ E 2.4 µg
ՎԻՏԱՄԻՆ K 0 µg
Shopping cart0
There are no products in the cart!
Continue shopping
0
Aqlor.am

FREE
VIEW