ՁԻԹԱՊՏՈՒՂ

Օգտակար հատկությունները

Ձիթապտուղը պարունակում է մեծ քանակությամբ բարձրարժեք բուսական ճարպեր և այդ պատճառով ունեն բարձր սննդարար և էներգետիկ արժեք: Հում պտուղը պարունակում է սպիտակուցներ (6%), մանրաթել (9%), ջուր (23%), պեկտինային նյութեր, ճարպեր կամ յուղեր (56%), շաքար, վիտամիններ B, C, կարոտին, կալիում, կալցիում, գլիկոզիդներ, այրվածքային մնացորդներ:

Նյութերը, որոնք պարունակվում են ձիթապտղի մեջ ամրացնում են բջջաթաղանթները և լորձաթաղանթը, դրականորեն են ազդում ստամոքսի, ենթաստամոքսային գեղձի, լյարդի և սիրտ-անոթային համակարգի աշխատանքի վրա, օգնում են վերքերի լավացման ժամանակ, մաքրում են օրգանիզմը տոքսիններից:

Տարեց մարդկանց ձիթապտուղն օգնում է ամրացնել ոսկրային հյուսվածքները և լավացնում է լյարդի աշխատանքը:

Դիետոլոգները գտնում են, որ սև ձիթապտղի օգտագործումը սննդի մեջ առանց կամ գրեթե առանց աղի կանխում է ստամոքսի խոցի առաջացմանը: Իսկ մեկ ամսում 20 հատիկ ձիթապտղի օգտագործումը գերազանց կանխարգելում է ատամնաքարերի առաջացմանը, ինչպես նաև քարերի առաջացմանը տարբեր օրգաններում (լեղուղիներում, միղապարկում, երիկամներում):

Ամենաօգտակար ձիթապղի յուղը (չնայած, որ ունենում է անսովոր հոտ) հանդիսանում է առաջին սառը ճզմման յուղը: Յուղի մեջ պարունակվող մոնոչհագեցած ճարպաթթուները (ստեարաթթու, օլեաթթու, պալամիտաթթու) ընդունակ են իջեցնել խոլեստերինի մակարդակը և դանդաղեցնել ծերացման գործընթացը: Իզուր չէ, որ ձիթապտուղն ու ձիթապտղի յուղը հանդիսանում են միջերկրածովյան դիետաների գլխավոր բաղադրիչներից մեկը:

Հետազոտողների տվյալներով հակաօքսիդանտների և օգտակար ճարպերի հարաբերակցությունը ձիթապտուղը դարձնում են կրծքագեղձի քաղցկեղի, աղիքային և մաշկի ուռուցքների զարգացմանը խոչըդոտող միջոց: Ձիթապտղի յուղի օգտագործումը լավացնում է լեղուղիների աշխատանքը, թեթևացնում է փորկապությունը, վերականգնում է ստամոքսի լորձաթաղանթը:

Պահածոյացված ձիթապտուղը նույնպես պարունակում է յուղ և հետևաբար դրականորեն է ազդում մեր օրգանիզմի վրա:

Ձիթապղի յուղը կարելի է քսել այրվածքների, քերծվածքների, կապտուկների և միջատների կծածների ժամանակ: Ձիթապղի յուղն օգտագործում են նաև տնական կոսմետիկայի մեջ, մասնավորապես դիմակներ պատրաստելիս: Ձվի դեղնուցից և 70 գրամ ձիթապտղի յուղի խառնուրդից պատրաստված դիմակը թարմացնում, ձգում և տոնուս է հաղորդում մաշկին:

Ձիթենու տերևներից պատրաստված թուրմը իջեցնում է արյան ճնշումը:

Դրականորեն է ազդում սրտանոթային համակարգի վրա, նվազեցնում վնասակար խոլեստերինի քանակն արյան մեջ, լավացնում է արյան կազմը, կանխում սրտի և անոթների հիվանդությունները։

Բարենպաստ ազդեցություն է թողնում նաև ստամոքսաղիքային տրակտի և լյարդի աշխատանքի վրա, օգնում է օրգանիզմը մաքրել թունավոր նյութերից ու խարաններից։

Վնասակար հատկությունները

Ձիթապտուղը գրեթե չունի հակացուցումներ: Սակայն ձիթապտղի յուղը չի կարելի օգտագործել խոլեսցետիտի դեպքում, քանի որ այն ունի խոլերետիկ ազդեցություն: Միաժամանակ պետք է նշել, որ մարդիկ, ովքեր ունեն ավելորդ քաշի խնդիր պետք օգտագործեն սահմանափակ քանակությամբ, քանի որ ձիթապտղի յուղն ունի բարձր կալորիականություն: Բացի դա պետք է զգուշությամբ օգտագործել սև ձիթապտուղը, քանի որ դա նույն ձիթապտուղն է, բայց մշակված է հատուկ նյութով այդ գույնը ստանալու համար, ինչ կարող է վնասել օրգանիզմը:

Չի կարելի չարաշահել պահածոյացված ձիթապտուղը, քանի որ այն մեծ քանակությամբ աղ է պարունակում։ Չմոռանաք, որ ամեն բան չափավոր ուտելու դեպքում է օգտակար։