Խնձորի քացախ` շամպունի փոխարեն. առողջ գլխամաշկ և փայլուն մազեր ունենալու բնական միջոց. /med-practic.com/

Մազերի և գլխամաշկի խնամքի և բուժման համար հիանալի միջոց է չզտված խնձորի քացախը, որը մաքրում է մազերը` դրանց  առավել մեծ ծավալ և փայլ հաղորդելով, ինչպես նաև նվազեցնում  է մազաթափության մակարդակը և վերացնում գլխամաշկի  թեփն ու սնկային վարակը:

Առողջ գլխամաշկ և հարթ մազեր ունենալու համար  healthyfoodteam.com-ը խորհուրդ է տալիս  մի կողմ դնել մազի խնամքի նորաձև պարագաներն, ու մազերը լվանալ խնձորի քացախով, որի պարունակության մեջ առկա ալֆա-հիդրօքսիթթուները կապահովեն մազերի առողջությունը: Այն սպանում է բոլոր մանրէներին ու վերացնում թեփը: Խնձորի քացախը հիանալի կարգավորում է արյան շրջանառությունը:

Խնձորի քացախ օգտագործելու  օգտակարությունը.

— վերացնում է մաշկի մահացած բջիջները` նպաստելով առողջ մազերի աճին,

— փայլ է հաղորդում մազերին,

— վերացնում է թեփը,

— հիանալի է գլխի չոր մաշկի վերականգնման համար:

Մազերը վերականգնելու և առողջ տեսք ստանալու համար քացախն անհրաժեշտ է օգտագործել.

• կարճ, ուղիղ կամ բարակ մազերի դեպքում` շաբաթական մեկ անգամ,
• ալիքաձև, գանգուր, հաստ կամ երկար մազերի դեպքում` 2 շաբաթը մեկ անգամ,
• բնականից հաստ և գանգուր մազերի դեպքում` 6-8 շաբաթը մեկ անգամ:

Այն օգտագործելու համար անհրաժեշտ է 1 բաժակ քացախը խառնել 3 բաժակ  տաք ջրի հետ և քսել գլխին: