Աշխարհի ամենաթանկ մթերքները

Կաթ

Մկնիկի կաթը ամենաթանկ կաթն է աշխարհում: Դրա արժեքը գերազանցում է 22000 դոլարը մեկ լիտրի համար: Մեկ լիտր այդպիսի կաթ ստանալու համար անհրաժեշտ է կթել մոտ 4000 մկների: Մկնիկի կաթը օգտագործվում է բժշկության մեջ: Մկների կաթում սինթեզում են մարդու սպիտակուցը `լակտոֆերինը, որն օգտագործվում է եզակի դեղաբանական պատրաստուկների արտադրության մեջ: Մկների կաթ պարունակող դեղամիջոցները բարելավում են արյան փոխներարկումից հետո արյունաստեղծման գործընթացը:

Մեղր

Աշխարհի ամենաթանկ մեղրը ստացվում է Արևմտյան Հայստանում և կոչվում է «Կախարդական»: Այն հավաքում են Արդվին քաղաքում գտնվող 1800 մետր խորության անձավում: Տեղացի մեղրագործ Գունի Գանդուզը 2009թ.-ին պատահաբար նկատել է, որ մեղուների պարսեր են շարժվում անձավի ուղղությամբ: Նա մտել է անձավ և հայտնաբարել մեծ քանակության մեղր: Սակայն մեղուների բներին հասնել կարողացել է միայն հատուկ մասնագետների օգնությամբ: Նրանք հավաքել են 18 կգ մեղր, որը Ֆրանսիայի լաբորատորիաներում ուսումնասիրելուց հետո պարզվել է, որ դա շատ բարձրորակ, միներալներով հարուստ մեղր է:  Այդ մեղրի առաջին կիլոգրամը վաճառվել է 45000 եվրոյով ֆրանսիական ֆոնդային բորսայում: Երկրորդ գնորդը եղել են չինացի դեղագործները, ովքեր վճարել են 28000 եվրո: Այժմ այս մեղրի կիլոգրամը վաճառվում է 5000 եվրոյով:

Սունկ

Ամենաթանկ սունկը գետնասունկ է: Այս նրբագեղության մեկ կիլոգրամի արժեքը կարող է հասնել 2000 եվրոյի, իսկ երբեմն էլ ավելին: Իտալիայից ստացված սպիտակ տրյուֆելները համարվում են ամենահամեղը:

Թեյ

Աշխարհի ամենաթանկ թեյը կոչվում է Dahunpao, ինչը նշանակում է «Մեծ կարմրավուն թիկնոց»: ԴաունՊաոն ստանում են միայն 6 թփերի տերևից, որոնք աճում են Տիանսինի վանքի մոտակայքում: Այս յուրօրինակ թփերը 350 տարեկան են: Ամեն տարի այս թեյից հնարավոր է լինում հավաքել 500 գրամից պակաս բերք: Իսկ պատրաստի արտադրանքի գինը հասնում է 685,000 ԱՄՆ դոլարի մեկ կիլոգրամի համար:

Կարտոֆիլ

Աշխարհի ամենաթանկ կարտոֆիլն աճեցվում է Ատլանտյան օվկիանոսի Նուրմուատի կղզու վրա: Այն դաշտերը, որտեղ աճեցնում է կարտոֆիլը, պարարտացվում են բացառապես ջրիմուռներով: Ցանքն ու բերքահավաքն ամբողջությամբ իրականացվում են ձեռքով: Տարեկան բերքը կազմում է ընդամենը մոտ 100 տոննա: Հավաքած կարտոֆիլը վաճառքի է ուղարկվում նույն օրը: Նման քիչ բերքը և հաճելի համը բացառիկություն են հաղորդում կարտոֆիլի այս տեսակին, որի կիլոգրամը կարելի է գնել … 500 եվրոյով:

Պանիր

Մոտ 1000 եվրո — սա աշխարհի ամենաթանկ պանրի գինն է, որը կոչվում է Պուլե (Pule): Ապրանքի բարձր գինը կապված է դրա արտադրության եզակիության հետ: Գնահատե’ք ինքներդ. 1 կգ Պուլե պատրաստելու համար անհրաժեշտ է բալկանյան էշերի 25 լիտր կաթ — Կաթը պետք է թարմ լինի — կենդանին օրական արտադրում է միջինը 200 մլ կաթ — կաթի մեկ լիտրը վաճառվում է մոտ 40 եվրոյով:

Այս դելիկատեսն ամբողջ աշխարհում պատրաստվում է միայն մեկ վայրում ՝ “Զասավիցա” ֆերմայում, որը գտնվում է Սերբիայի համանուն քաղաքում:

Համեմունք

Զաֆրան (կամ Շաֆրան) համեմունք և նարնջագույն սննդային ներկանյութ, որ ստացվում է քրքումի ծաղկի առէջներից (Crocus sativus): Հնագույն ժամանակներից սկսած, համարվում է աշխարհի ամենաթանկարժեք համեմունքներից: Ներկայումս իրանական զաֆրանի մեկ կիլոգրամը միջազգային շուկայում կազմում է մոտ 6 հազար դոլար): Պատճառը համեմունքի արդյունահանման ժամանակ աշխատանքի դժվարությունն է: Ամեն 100-200 հազար ծաղկից ստացվում է մեկ կգ քրքում և բանվորը պետք է 40 ժամ աշխատի, որպեսզի 150 հազար ծաղիկ քաղի: Զաֆրանի ամենամեծ արդյունահանողը համարվում է Իրանը: Այստեղ արտադրվում է զաֆրանի 90 տոկոսը:

Shopping cart0
There are no products in the cart!
Continue shopping
0
Aqlor.am

FREE
VIEW