Կտավատի յուղ

Էներգետիկ արժեքը 100 գրամում

• Կալորիականություն – 884 կկալ
• Սպիտակուցներ – 0 գր
• Ճարպեր – 99.8 գր
• Ածխաջրեր – 0 գր
• Այրվածքային մնացորդ – 0 գր
• Ջուր – 0.2 գր

Մարդու առողջության համար շատ կարևոր և օգտակար մթերք է: Դրա հաճախակի օգտագործում կարգավորում է օրգանիզմի աշխատանքը, ինչպես նաև կարող է պիտալի լինել մի շարք հիվանդությունների ժամանակ:

Դեռ հին ժամանակներից կտավատի սերմերից ստացված յուղն օգտագործվում էր որպես դեղորայքային ու ընդհանուր դիմադրողականությունն ամրապնդող միջոց: Օգտագործվում էր ինչպես արտաքին (մազերի ու մաշկի համար), այնպես էլ պերորալ կերպով: Նշված ապրանքի արժեքավորությունը կայանում է նրանում առկա  օմեգա ճարպաթթունների բարձր պարունակության մեջ (օլեինաթթու, լինոլաթթու, լինոլենաթթու). կտավատի յուղը  նշված ցուցանիշներով առաջ է անցնում անգամ ձկան յուղից:

Արտաքին օգտագործման դեպքում այդ թթուները վերականգնում են մաշկի ու մազերի  մակերեսը՝ սնուցելով ու կազդուրելով նրանց: Կտավատի յուղն օգնում է կարգավորել  օրգանիզմի նյութափոխանակությունը, ազատվել ավելորդ քաշից ու օրգանիզմից դուրս բերել խոլեստերինը, ինչպես նաև ամրապնդել անոթներն ու նվազեցնել ինֆարկտի ու կաթվածի (ինսուլտի) առաջացման հավանականությունը: Այն նաև օգնում է բարձրացնել իմունիտետն ու  նվազեցնել ալերգիկ ռիակցիանների առաջացման հավանականությունը:

Ավելին, օմեգա–թթուները բարելավում են սննդի մեջ առկա  կալցիումի ընկալման գործընթացը, որն էլ և ուժեղացնում է ոսկորները, մկաներն ու  ջիլերը, ինչպես նաև արդյունավետ է ազդում տեսողության վրա:

Ձեռքբերումն ու պահպանումը

Այսօր վաճառքում հնարավոր է գտնել տարբեր տեսակի կտավատի յուղեր: Մազերի կամ կոսմետիկ յուղերի  խառնուրդները նախատեսված են միայն արտաքին օգտագործման համար:
Ներքին օգտագործման համար  ցանկալի է օգտագործել սառը սեղմման պրոցեսով ստացված յուղը: Վերջինիս պահպանման ժամկետն այդքան էլ  երկար չէ, այդ պատճառով էլ ցանկալի է այն գնել փոքր չափաքանակով ու ուշադրություն դարձնել «պատրաստման» ամսաթվին: Իդեալական տարրան համարվում է շատ մուգ ապակուց պատրաստված շիշը, քանի որ նման փաթեթավորման մեջ էլ յուղն ավելի շատ է պահպանում իր օգտակար հատկությունները, որը այն կարող է կորցնել արևի ճառագայթների ազդեցության արդյունքում: Ցանկալի է այն պահել սառնարանում, այն անհրաժեշտ չէ տաքացնել կամ  ենթարկել ջերմային մշակման:
Կտավատի յուղն ունի  յուրօրինակ դառը,  մի փոքր  ձկան յուղ  հիշեցնող համ:
Եթե այն բերանում` մինչև կուլ տալը,   սկսում է դառնանալ, ապա դա նշանակում է, որ այն արդեն պիտանի չէ ներքին օգտագործման համար:

Կիրառման կարգը

Սովորաբար այդ միջոցի ընդունման համակարգը բավականին պարզ է: Սակայն քրոնիկ հիվանդությունների առկայության դեպքում հարկավոր է խորհրդակցել բժիշկի հետ և իմանալ թե ինչպես կարելի է ճիշտ օգտագործել կտավատի յուղը:

Եթե հակացուցումներ չկան, ապա այն կարող եք հանգիստ օգտագործել: Սակայն հարկավոր չէ ակնկալել  շատ արագ արդյունքներ: Բավական է միայն, որպեսզի դուք ձեզ համար ստեղծեք նոր շատ արդյունավետ ու օգտակար սովորություն ու այն 1-ից 2 ամիս ճշգրիտ կիրառել, իսկ այդ ժամանակը բավարար է, որպեսզի նկատելի լինեն առաջին արդյունքները:

Կոսմետոլոգիայում

Կտավատի յուղը լայն կիրառություն է գտել նաև կոսմետոլոգիայում՝ շնորհիվ պարունակող բազմաթիվ վիտամինների, երիտասարդեցնող, փափկեցնող, մանրէազերծող հատկությունների:
— չոր մազերի դեպքում պետք է լվանալուց 10ր առաջ յուղով պատելի գլխամաշկը, ապա նաև շփել մազերը: Իսկ որպեսզի այն լավ ներծծվի, խորհուրդ է տրվում գոլորշի պահել մազերի վրա:
— Սեբորայի պարագայում ևս խորհուրդ է տրվում կտավատի յուղ, որի պարագայում մշաակվում է մազարմատները
— Կտավատի յուղը կարևոր միջոց է նաև չոր, կոշտ մաշկով ձեռքերի համար: Պետք է մի քանի կաթիլ լցնել ձեռքերին և մատերով շփել ներքևից վերև 20-30ր:
— նույն խնդրի պարագայում կարելի է նաև դիմակ պատրաստել, ինչի համար հարկավոր է 1 թեյի գդալ կտավատի ձեթ, 1 ամպուլ Վիտամին E և ձվի դեղնուց: Ամենը լավ խառնել և շփել ձեռքերին, ձեռնոցներ հագնել և պահել մոտ 30ր.
— իսկ եթե ձեռքերը ճաքճքված են, պետք է պատրաստել քսուկ հետևյալ բաղադրությամբ՝ ձվի դեղնուց, 1 թեյի գդալ կտավատի ձեթ, 1 ճաշի գդալ մեղր և լիմոնի հյութ: Ձեռքերը պետք է լվանալ ջրով, որում կարտոֆիլ է եփվել, լավ չորացնել, պատել պատրաստած քսուկով, ձեռնոցներ հագնել և պահել 2-3 ժամ
— կտավատի յուղ է պարունակվում նաև դեմքի և պարանոցի մաշկի մի շարք դիմակների բաղադրատոմսերում:

Կտավատի յուղը սկսում են օգտագործել 1-ական թեյի գդալից` առավոտյան ուտելուց առաջ ու երեկոյան քնելուց առաջ: Աստիճանաբար, վարժվելով վերջինիս համին, կարելի է բարձրացնել  չափաբաժինը` հասցնելով այն մինչև 1 ճաշի գդալի: Եթե մթերքի համը ձեզ մոտ տհաճություն է առաջացնում, ապա այն կարող եք խառնել փոքր քանակությամբ կաթնաշոռի կամ կեֆիրի հետ, ուտել խնձոր կամ խմել մրգային հյութի հետ, կամ ավելացնել մեղրի,  մրգային  օշարակի մեջ: Այն շատ օգտակար է կիրառել բանջարեղենային աղցանների մեջ, որի ընթացքում յուրօրինակ հոտը կանցնի, սակայն օգտակար հատկությունները կմնան: