Ընդանուր խորհուրդներ՝ սնվելու վերաբերյալ

• Մի շփոթեք սովը և ախորժակը: Սնվեք միայն սովի զգացողություն ունենալու դեպքում:

Սովը ձայն է, որը դուրս գալիս մեզնից և ասում է, որ պետք է սնվել օրգանիզմի նորմալ ֆունկցիոնալ գործունեությունը ապահովելու համար: Ախորժակը Ձեր սովորությունն է: Այն կարող է դրսևորվել տարբեր հանգամանքներում, մասնավորապես հաց ուտելու ժամի մոտենալու դեպքում (օրինակ ընդմիջման ժամը՝ 13:00), սննդի հոտով, տեսքով (համեղ խմորեղեն տեսնելիս) և այլն:

Ախորժակը հաճախ կարող է ուղեկցվել ստամոքսում դատարկության զգացողությամբ, ճնշվածությամբ, ընդհանուր թուլությամբ: Սակայն խորքային պատճառն այստեղ հոգեբանական է, և եթե Դուք զգում եք թուլություն, դա դեռ չի նշանակում, որ Ձեր օրգանիզմը հյուծման եզրին է:

Եվ այսպես, սովը սննդի իրական պահանջմունքն է, որը պայմանավորված է մարդու օրգանիզմի ֆիզիոլոգիայով: Ախորժակն ընդամենը ձգտումն է դեպի սնունդը, որը տարբեր արտաքին գործոնների փոխազդեցության հետևանք է հանդիսանում:

Վառ օրինակ, ընթրիքին Դուք կերել եք ապուր, հետո երկրորդ ճաշատեսակը և հետո միրգ: Դեռ մնացել է քաղցր տորթի կտոր, և այն Ձեզ ուտելու դրդում է ախորժակը, այլ ոչ թե սովի զգացողությունը:

Եվ հիշեք, մարսելու համար լավագույն ժամանակահատվածն է 11:00-14:00 և 16:00-20:00-ն ընկած ժամանակահատվածը:

• Առավոտյան առաջինը պետք է խմել ջուր սննդի փոխարեն:

Առավոտյան առաջին սնունդն ընդունելուց առաջ, բայց ոչ ուշ քան կես ժամ առաջ անհրաժեշտ է խմել ամենաքիչը 1 բաժակ գոլ ջուր: Կարելի է ջրին ավերլացնել թարմ կիտրոնի հյութ: Օրվա ընթացքում էլ աշխատեք խմել ամենաքիչը 1 լիտր ջուր (ոչ սուրճ կամ թեյ, այլ հենց ջուր), դա կնպաստի լավ մարսողությանը, օրգանիզմի մաքրմանը և կնվազեցնի սովի զգացողությունը:

• Մի խմեք ուտելու ընթացքում:

Հետազոտությունները ցույց են տվել, որ հեղուկը, գտնվելով ստամոքսում միջինը 10 րոպե և հետո անցնելով մարսողական համակարգի մյուս օրգաններով, տանում է իր հետ ստամոքսահյութերը, որոնք անհրաժեշտ են մարսողության համար: Սրա հետևանքով խախտվում է նորմալ մարսողական ֆունկցիան: Դրա համար բժիշկները խորհուրդ են տալիս չխմել ջուր, թեյ, սուրճ ուտելիս և ուտելուց անմիջապես հետո:

Ելքը – Ավելի լավ է ջուրը խմել ուտելուց 15 րոպե առաջ, մրգեր և բանջարեղեններ ուտելուց 30 րոպե հետո, օսլաներ պարունակող սնունդ ընդունելուց 120 րոպե հետո և մսային կերակուրներ ուտելուց 240 րոպե հետո: Այստեղ պետք է նշել, որ և սառը և տաք հեղուկները արգելակում և դժվարացնում են մարսողությունը: Դրա համար ցանկալի էջուրը խմել գոլ վիճակում (30-40 աստճան):

• Մի կերեք, երբ Ձեզ լավ չեք զգում:

Դուք երբևիցէ ունեցե±լ եք բարձր ջերմություն (38-39 աստիճան): Իսկ հիշու±մ եք՝ ցանկանու±մ էիք այդ ընթացքում ուտել: Այո, ամենից քիչ այդ ժամանակ Դուք մտաշում եք ուտելու մասին: Դրա համար,  եթե Ձեզ վատ եք զգում, եթե ինչ-որ տեղ ցավում  է, մի տանջեք Ձեզ ուտելով: Մարդու օրգանիզմն իզուր չէ հրաժարվում սննդից այդ պահերին: Նա հավաքում և կենտրոնացնում է իր բալար ուժերը օրգանիզմում առկա խնդրի լուծման համար, իսկ սննդի ընդունումը զրկում է նրան դա անելու հնարավորությունից:

• Մի կերեք ծանր մտավոր կամ ֆիզիկական աշխատանք անելուց անմիջապես առաջ, ընփացքում և անմիջապես հետո:

Ցանկացած մարզիկ գիտի, որ ուտել կարելի մարզվելուց առնվազն 2 ժամ առաջ (կամ ավելի շատ): Պատճառը պարզ է, եթե նա ուտի 1 ժամ առաջ կամ ընթացքում, ապա օչգանիզմը մեծ քանակությամբ ուժեր կգործադրի մարսողության համար: Դա կազդի մարզման ժամանակ նրա նվիրվածության վրա՝ այն էականորեն ցածր կլինի:

Ավելացնենք, որ ամեն դեպքում մարսողության գործընթացները կխախտվեն և Ձեզ կսպասի ստամոքսի խանգարում և վատ զգացողություն:

Նմանատիպ իրավիճակ է նաև մտավոր աշխատանքի դեպքում: Դու գիտե±ք, որ ուղեղի գործունեությունը ծախսում է ավելի շատ էներգիա, քան հենց մարմնի գործունեությունը: Եվ այդ հարաբերակցությունը մոտավորապես 70/30 է, այսինքն ծախսված էներգիայի 70%-ն օգտագործում է ուղեղը, 30%-ը՝ մարմինը:

Այդ պատճառով մտավոր աշխատանքի դեպքում այս խորհուրդն ավելի ակտուալ է:

• Որպես խորտիկներ օգտագործեք մրգերը կամ այդ մրգերի չրերը:

Եթե Ձեզ ծանր օր է սպասվում, կամ օրվա ընթացքում տանը ուտելու հնարավորություն չի լինելու, ապա վերցրեք Ձեզ հետ մրգեր կամ ընկույզ: Երբ սովի զգացողություն է առաջանում, մոտակա խանութից գնված շոկոլադե սալիկ ուտելու փոխարեն կերեք մրգեր: Ամենից լավն այս իրավճակում կօգնեն բանանն ու տանձը, քանի որ վերջիններս շատ արագ հագեցնում են քաղցը և կօգնեն Ձեզ թարմ և լիարժեք զգալ:

• Ուտելու չափը մի անցեք:

Ինչքա±ն կարելի է ուտել 1 սնվելու ընթացքում: Յոգերն ասում են՝ այնքան, որքան կարող է տեղավորվել 2 իրար միացված ձեռքի ափերի մեջ: Կարելի է գնալ հնարամիտ քայլի և տանը սովորական ափսեները փոխարինել փոքրերով: Կստացվի, որ գործնականում ափսեն նորից լիքն է (օպտիկական խաբկանք), իսկ ուտելիքը հենց այնքան է, որքան անհրաժեշտ է չափը չանցնելու համար:

• Երբ ես ուտում եմ, ես խուլ ու համր եմ:

Մանկությունից եկած այս արտահայտությունը ակտուալ է բոլորի համար: Ուտելիս չի կարելի խոսել և շեղվել, ոչ միայն զրուցելու, այլ նաև հեռուստացույց դիտելու, գիրք կարդալու, ամսագիր կարդալու, բջջային հեռախոսով զբաղվելու և այլնի համար: Խոսակցությունները խլում են էներգիան և վատացնում են օդի շրջանառությունը:

• Ծամում ենք, ծամում ենք և ևս մեկ անգամ ծամում ենք:

Ատամները մեզ որպես զարդարանք չեն տրված, այլ սնունդը մանրակրկիտ ծամելու համար, դրա համար էլ պետք ուտելիքը բերանում լավ ծամել, այլ ոչ թե արագ կուլ տալ: Սնունդը պետք ընդունել հանգիստ: Եթե Դուք շտապում եք, ապա Ձեզ համար ավելի լավ կլինի չուտեք այդ պահին, քան ուտեք: Շատ մարդիկ արագ ուտելու, վատ ծամելու և արագ կտորներով կուլ տալու սովորություն ունեն: Դա հագեցնում է մարսողության խանգարման, չափից շատ ուտելուն, ինչպես նաև ճարպերի կուտակման: Չե±ք նկատել, որ սնունդը մանրակրկիտ, առանց շտապելու ծամող մարդիկ մեծ հաշվով կոկիկ և առողջ տեսք ունեն:

• Ուտելուց անմիջապես հետո մի պառկեք քնելու:

Եթե ուտելուց անմիջապես հետո պառկեք քնելու, ապա դա կբերի օրգանիզմում տեղի ուենցող բոլոր գործընթացների թուլացման: Քունը չի նպաստում սննդի յուրացմանը: Ուտելուց հետո կարելի քնել 1-1.5 ժամ հետո: